Elektronegas

Bord trogelghennow pryntys

Nebes elvennow elektronek

Elektronieth yw hanow studhyans tredan (an fros elektronys) ha fatel godh y usya dhe dhrehevel taklow kepar ha jynnow amontya. An daffar elektronek usys a-berth yn devisyow, gwrys gans godhvos elektronieth, yw elektronegas. Y hwra devnydh elektronegas a drogelghennow gwrys a elvennow ha funyow junyans dhe wul taklow dhe les. An skiens yn-dann elektronieth a dheu a studhyans fysegieth, hag y teu dhe vewnans gwir der an studhva ynjynorieth elektrek.

Y hyll lies den henwel elvennow elektronek sempel kepar ha treffendyellow, leskennow, torellow trogylgh, batriow, jynnow, treusfurvyellow, DiGow, ha lugern, mes dhe voy yth ynkress an niver elvennow, dhe voy weresek yw prederi dres kevreythyow po stockys byghanna, hag yw kelmys war-barth dhe wul neppyth dhe les.

Y hyllir mires war gevreyth elektronek der y ranna yn tri:

1. Ynworrans – sensors elektrek po jynnweythek a gemmer sinellow a'n bys korfel (gans furv tempredh, gwaskedh, h.e.) ha'ga hedreylya dhe fros tredanek ha sinellow voltedh.
2. Trogelghennow argerdher sinell – an re ma yw gwrys a elvennow elektronek junys war-barth dhe handla, styrya, ha treusfurvya an kedhlow usi y'n sinellow.
3. Eskorrans – hwimellow po devisyow erel a dreusfurv arta fros tredan ha sinellow voltedh dhe gedhlow redyadow.

Devis pellwolok, rag ensampel, y'n jeves sinell dharlesys kemerys a davell, po fun rag pellwolok fun, avel ynworrans.

Trogelghennow argerdher sinell a-berth y'n devis pellwolok, yth us an kedhlow golewder, liw, ha son usi y'n sinell dhegemerys dhe gontrolya devisyow eskorrans an devis pellwolok. Martesen y fydh an devis eskorrans displetya piben dewyn kathod po displetva blasma po skrin linwrys. Y kedreyl an devisyow eskorrans an dhispletva kedhlow golewder ha liw sinell an drogelghennow argerdher sinell dhe skeusen displetys yn skrin. Y kedreyl an devis eskorrans sonadow an kedhlow son argerdhys dhe sonyow klewadow.

Res yw yn dielvennans trogylgh/rosweyth godhvos an trogelghennow ynworrans hag argerdher sinell, ha diskudha an eskorrva. Godhvos an ynworrva hag eskorrva ha diskudha po desinya an rann argerdhes sinellow yw henwys kevlea.

Onan a'n mil erthygel posekka war Wikipedya yw an erthygel ma.