Dillas

Dhyworth Wikipedya, an godhoniador rydh
Jump to navigation Jump to search
Clothes.jpg
Klass ober, askorras, tra fisegel, gwara Edit this on Wikidata
An dedhyans a-varra 170 millennium BC Edit this on Wikidata
Rann a Gis, diwysyans dillas Edit this on Wikidata
Dallethys 57 millennium BC Edit this on Wikidata
Gwrier tregher Edit this on Wikidata
Commons page Restrennow kelmys war Gemmyn Wikimedia
Henwyn Kernewek rag nebes dillas

Dillas yw tra po gwias, gwriys war-barth dhe worheri rann a’n korf denel. Tus yw an unnik eneval a wisk dillas, ha pub den a wisk neb sort a dhillas gwiw.

Y hyllir gorheri an korf gans krys po pows, breghow gans bregholow, garow gans lavrogow po lostennow, diwla gans manegow, treys gans eskisyow, ha’n penn gans hattow po maskow. Yn hinyow yeyn, tus a wisk kotys tew ynwedh. Tus a yll gwiska dillas dyffrans rag termynyow dyffrans, rag ensampel, y’n nos, rag oberi po rag solempnita arbennek.

Dillas a with an korf rag an howl yn gwlasow tomm. Dillas kepar ha kotys gwlan tew ha botas a weres gwitha an korf tomm yn tempredhow oor avel y’n Arktik. Dillas a yll gwitha an korf rag damach ynwedh.

Gwiskys yw dillas rag afina ha gis. Tus a wonisogethow dyffrans a wisk dillas dyffrans ha krysi yn dyffrans ow tochya an sort a dhillas dhe vos gwiskys. Dhe lies den, dillas yw arwodh gre, po fordh a omvenegyans. Hemm yw an skila rag gonisogethow yonkers avel ‘punk’, ‘Goth’ ha ‘hippy’.

Dallethvos dillas[golegi | pennfenten]

Ny wodhvedhys p’eur feu displegys dillas y’n kynsa prys drefen bos dillas podradow, hag y hwarva yn kynsistorek. Nebes kedhlow a dheu dhyworth hwithrans ow tochya lew. Lewen an korf a drig yn dillas, hag esplegya dhyworth lew gols nans yw 107,000 bledhen. Hemm a wra profya bos dillas y’n termyn na. Dismygrivow erel a gampoll a-dro dhe 42,000–72,000 KOK.

Dedhys veu kota gwrys a vilvlew gwiweres, dhyworth fog yn Itali, dhe 23.000 KOK. Yn mis Gwynngala 2021, skiensoryon a dherivas bos dustini a dhillas gwrys nans yw 120,000 a vledhynnyow yn godhesow yn Marokk.

Taklow nag yw dillas[golegi | pennfenten]

Yn fenowgh pobel a afin aga horfow gans tremmliw ha melysethow, ha treghi po chanjya an gols war aga fennow po bejethow. I a’s teves tatous ha korfliw. Mes nyns usi tremmliw po tatous dillas vyth oll.

Mandaffar yw hanow taklow dell yw degys yn le gwiskys, kepar ha skryppys, porsys, glawlennow ha gwelynni kerdhes, mes nyns esons eghennow a dhillas. Dewweder ha gemmweyth yw mandaffar dell yw gorrys war an korf.

Devnydhyow usys dhe wul dillas[golegi | pennfenten]

Dillas yw gwrys yn fenowgh a

  • Gwias
    • Gwiasow naturel, kepar ha koton, lin, gwlan, kewargh hag owrlin
    • Gwiasow synthesek, kepar ha nylon, polyester hag akrylik
  • Milvlew
  • Ledher

Mirva[golegi | pennfenten]

Gold piece.png An erthygel-ma ew onen a'n 100 erthygel moyha posek war Wikipedya.
Gold piece.png An erthygel ma yw onan a'n 1,000 erthygel posekka war Wikipedia.