Cider

Dhyworth Wikipedya, an godhoniador rydh
Jump to navigation Jump to search
Teyr gwedren a cider. Yma'n wedren a-dhyghow cider niwlek hag yw servyes heb bos yeynellys, an dhiw wedren a-gledh yw servyes yeyn.

Diwes alkoholek a wrer gans sugen avalow gweythys yw cider (treweythyow sider ynwedh), kyn hyllir y wul gans sugen per keffrys. Y hyllir devnydhya pub eghen a aval, mes y tevir nebes sortow yn arbennek rag askorra cider. Yn diwes a yll komprehendya yntra 3% hag 8.5% a alkohol.

Kernow ha Soth-West Pow Sows yw onan a benn arenebedhow askorra cider y'n bys oll. Mes yth yw gwrys ynwedh yn rannow erel an Enesow Bretennek, yn unn gomprehendya Kembra ha Wordhen. A-ves dhe Vreten ha Wordhen yma Breten Vyghan, Normandi, Pow Bask hag arenebedhow yn Skandinavi aswonys ra'ga cider.

Dallethvos an ger[chanjya | pennfenten]

An ger sicer a dhiskwedh y'n Vocabularium Cornicum avel ryb an Latinek Sicera,[1] eghen a dhiwes alkoholek, chevisyes a'n Greka Koth σῑ́κερᾰ (sī́kera). Y hwrer mencyon a'n diwes diwweyth yn Beunans Meriasek avel cydyr.[2] Yma lies fordh a skrifa'n ger yn Kernowek dasserghys an jydh hedyw, cider a hwer y'n Furv Skrifys Savonek, sider yn Kernewek Kemmyn, ha cȳder yn Kernewek Unys.

  1. https://www.carlaz.com/cornish/voccorn.txt
  2. https://archive.org/stream/beunansmeriasek00hadtgoog/beunansmeriasek00hadtgoog_djvu.txt