Caroline Fox
| Caroline Fox | |
|---|---|
 | |
| Genys |
1819  Aberfala |
| Mernans |
1871 |
| Galwesigeth |
skrifer dydhlyver |
| Tas |
Robert Were Fox the Younger |
Skrifores dydhlyvrow ha lytherow a-dhyworth Kernow o Caroline Fox (24 mis Me 1819 – 12 mis Genver 1871). Hy dydhlyver a govadhas kovyow a lies person a vri.
Bewskrif
[golegi | pennfenten]Caroline Fox a veu genys war an 24ves a vis Me 1819 dhe Bennanserik, chi bras ogas dhe Aberfala. Hi o onan a bymp flogh an deviser Robert Were Fox, a-dhyworth teylu meur y vri yn Aberfala, ha'y wreg Maria Barclay. Krenoryon o'n dhew. Yowynkka hwor Barclay Fox, skrifer dydhlyvrow maga ta, hag Anna Maria Fox o Caroline.
Yth o Caroline aswonys yn ta avel skrifores dydhlyver, hag ynno kovyow a lies person gerys-da, kepar ha John Stuart Mill, John Sterling ha Thomas Carlyle. Rannow a hy dydhlyver ha hy lytherow (1835 - 1871) a veu dyllys gans an titel: Memories of Old Friends: Caroline Fox of Penjerrick, Cornwall (golegys gans H. N. Pym, 1881; nessa dyllans, 1882). Rann an gwersyon Viktoryanek a veu dyllys yn 1972.
Caroline Fox ha hy hwor a ros gweres orth fondya Kowethas Polyteknek Kernow Riel yn Aberfala.
Hi a verwis war an 12ves a vis Genver 1871 ha hi a veu ynkleudhyes yn Tir-Ynkleudhya an Grenoryon dhe Dhowr Budhek.