Bromin

Dhyworth Wikipedya, an godhoniador rydh
Jump to navigation Jump to search
Bromine vial in acrylic cube.jpg
Br-TableImage.svg
Ensampel a Elven gymyk Edit this on Wikidata
Klass dialkan diatomek, dialkan, bagas 17, substans gymyk Edit this on Wikidata
Dydhyas diskudhans 1825 Edit this on Wikidata
Niver atomek 35 Edit this on Wikidata
ElektronegedhegedhEdit this on Wikidata
Rann a period 4, bagas 17 Edit this on Wikidata
Commons page Restrennow kelmys war Gemmyn Wikimedia

Elven gymyk yw bromin, niver 35 y'n Vosen Beriodek. Y furvell yw Br. An hanow a dheu dhyworth an ger Greka bromos, ow styrya fler.

Peryllus ha dasoberus yw bromin. Pur gesknius yw, hag y ethen owth omsettya war lagasow ha skevens. Fest gwenonek yw, le ha 100mg yw dogen merwel. Nyns eus gans bromin rann bewoniethel. Y'n 19ves kansvledhen, medhogyon a worhemynna holanow bromid rag kudynnow nervus (hevelep dhe galmydhyon ens rag pobel Victorian). Ny worhemynnys yns lemmyn drefen aga bos nebes gwenonek.

Antoine-Jerôme Balard (1802-1876) a dhiskudhas bromin yn 1826 yn Montpelier, Pow Frynk. Ev a vynnas an hanow muride, mes an Akademi Frynkek a erviras war an hanow bromin.

Tennys yw bromin yn mes a dhowr an mor yn diwysyansek. Y'n termyn eus passyes askorrys o bromin yn Kembra, war Enys Môn. Ysrael a askorr meur anedha drefen halonekter an Mor Marow. Usys yw dhe wul kesstoffow organobromo, y'n diwysyansow ladher treghviles, yn difudhellow tan ha medhegieth. An devnydh a organobromin rag difudhellow tan ha methyl bromid rag plaladhoryon a leha drefen prederow a-dro dhe gwiskas ozon.

Poos atomek bromin yw 79.90, an poynt treudhi yw -7°C ha'n poynt bryjyon yw 59°C. Y dhosedh yw 3.1kg an liter. Lin rudh fler yw bromin. Yth esa atomow bromin yn rann a'n liw usys dhe wul Tyrian purple. Kevys o an liw purpur dhyworth kregyn Murex, hag usys o gan emperours rag aga thogaow.

Mirva[golegi | pennfenten]