Bresel Kansvledhen
| Darn a | bresel frynk-sowsnek  |
|---|---|
| Tyller | Pow Frynk |
| Prys dalleth | 1337 |
| Prys gorfen | 1453 |
| Participant | Ruvaneth Pow Sows, Ruwvaneth Frynk |
An Vresel Kansvledhen o bresel batalys ynter teylu riel sowsnek Plantagenet ha teylu riel frynkek Valois dres an Osow Kres diwedhes a 1337 bys yn 1453. An vresel a dhuryas 116 bledhen ha dalleth drefen Charles IV a Bow Frynk dhe verwel yn 1328 heb er gourel didro (mab po broder yowynka). Edward IIIa a Bow Sows a grysi bos dhodho y honan an gwir dhe dhos ha bos myghtern nowydh Pow Frynk dres y vamm. Byttegyns, Philip VI a Bow Frynk a leveris bos ev y honan myghtern drefen lagha Salic dhe lettya benenes frynkek a rewlya po ri an gwir dhe rewlya dh'aga mebyon.
An Vresel Kansvledhen o onan an posekka kasow a'n Osow Kres. Pymp henedh a vyghternedh a dhew dernieth a vatalyas rag tron an brassa ruvaneth yn Europa West. Gans an bledhynnyow, an vresel a devi yn strif nerth bras gans bagasow a-dreus Europa West, nerthhes gans kenedlegieth ow tevi dhe'n dhew du. Y effeyth war istori europek a dhurya. An dhew du a askorras nowedhyans yn teknegieth vreselek ha taktegow, y'ga mysk luyow galwesik hag artillery hag a janjyas breselgreft yn Europa yn fast. An dhew bow a dheuth ha bos moyha kresekhes hag i a dho ha bos nerthow an bys.
Herwydh usadow yth yw an vresel divaglys yn tri agwedh, diberthys gans kevambosow kres: an Vresel Edwardian (1337–1360), an Vresel Caroline (1369–1389) ha'n Vresel Lancastrian (1415–1453). Rann an vresel an moyha aswonys a dhallathas yn 1415 pan wrug Henry V a Bow Sows goryskynna Pow Frynk ha gwaynya Batel Agincourt drefen y sethoryon gwarek hir. Byttegyns, wortiwedh an teylu Valois a withas rewl a Bow Frynk.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n mil erthygel posekka war Wikipedya yw an erthygel ma. |