Blaise Pascal

Blaise Pascal
Leshanow	Louis de Montalte, Amos Dettonville, Salomon de Tultie
Genys	19 Metheven 1623  birth house of Blaise Pascal, Clairmont
Mernans	19 Est 1662  Paris
Trigva	Clermont-Ferrand, Paris, Rouen, Paris
Kenedhlogeth	Ruwvaneth Frynk
Galwesigeth	awgrymer, filosofer, theologydh, fisegydh, skrifer, masydh Frynkek, statystyger
Aswonnys rag	Pensées, Lettres provinciales
Chyf delanwes	Augustine a Hippo, Michel de Montaigne, René Descartes, Cornelius Jansen, Epictetus
Tas	Étienne Pascal
Mamm	Antoinette Begon
Neskerens	Marguerite Pascal, Florin Périer
Eseleth	Académie Le Pailleur
Sinans

Blaise Pascal (19 Metheven 1623 – 19 Est 1662) o kalkor, fysegydh, deviser, filosofer, theologydh ha skrifer Frynkek. Genys veu ev yn Clermont-Ferrand, Pow Frynk. Adhyskys o ev yn tien gans y das Étienne hag o toller. Y vamm a verwis pan o ev tri bloodh.

Y ober a-varra yn awgrym o war treghow pigorn. Ev a skrifas assay meur war an desten a vynsonieth towlek, 16 y vloodh. Ev a gesskrifas gans Pierre de Fermat a-dro dhe dhamkanieth hevelepter hag o delanwes kres war an displegyans a skiens sosyel hag erbysieth arnowydh. Yn 1642, hwath degowek, ev a dhallathas ober ragresek ow tochya jynnys rekna (henwys reknell Pascal ha, wosa henna, Pascalinow). Onan a'n dew dheviser kynsa a'n reknell jynnweythek o ev.

Godhonydh o Pascal ynwedh. Ev a skrifas dhe skoodhya an gis ober skiensek ha kevri dhe fysegieth. Kevrohow posek a wrug ev dhe'n studhyans a linyow ha klerhe an tybyansow a waskedh ha gwakter dre lesa ober Evangelista Torricelli.

Wosa prevyans kryjyek yn 1654, ev a dhallathas skrifa oberennow meur aga delanwes war filosofieth ha theologieth. Onan a'y oberennow a yssynsas Gwystel Pascal, argyans hevelepterek fideistek rag bosva Duw.

Pascal a verwis yn Paris, 39 y vloodh. An unses Pascal o henwys herwydh y hanow.

Yma'n erthygel ma owth usya an Furv Skrifys Savonek a-barth Kernowek kres.

Onan a'n mil erthygel posekka war Wikipedya yw an erthygel ma.