Bewnans Gilgamesh

Leveryans: Bewnans Gilgamesh

Bewnans Gilgamesh yw bardhonek epyk a Hen-Mesopotami. Onan a'n kynsa ober a lien aswonnys yw.

An dienna versyon hwath y'n bys hedhyw o gwithys war dewdhek legh y'n kuntell lyverva a'n Myghtern Assyrek Ashurbanipal a'n 7ves kansvledhen KOK. Kevres a henwedhlow ha bardhonegow Sumerek yn kever an gorour-myghtern mythek Gilgamesh o martesen kuntellys war-barth dhe vardhonek hirra Akkadek kyns an 7ves kansvledhen KOK.

An hwedhel yw a-dro dhe'n keskowethyans yntra Gilgamesh, myghtern a dheuth ha bos digolonhes gans y rewl, ha y goweth, Enkidu, neb yw hanter-gwyls hag a wra aventurys peryllus gans Gilgamesh. Rann vrassa an epyk yw yn kever sens koll Gilgamesh wosa mernans Enkidu.

An epyk treylys yw redys oll a-dro an bys. An gorour, Gilgamesh, yw ikon a wonisogeth an werin.

Istori

Gilgamesh o an pympves myghtern Uruk, sita goth a Sumer. Y rewl o, dell gryjyn, yn oos 2700 dhe 2500 KOK, 200–400 bledhen kyns an kynsa hwedhlow skrifys a aswonnyn. Y das o an tressa myghtern, Lugalbanda.

Devyn a Vewnans Gilgamesh

Gilgamesh myghtern yn Uruk

Neb re welas puptra, my a dherivas dhe’n broyow.

Neb re brovas puptra, my a vynn dyski anodho.

Neb a gemeras oll skians kowal dhyworth Arludh Anu.

Ev a welas taklow kudhys ha kevrinyow.

Ev a hwedhlas dhyn ni a'n oos kyns an liv.

Ev a viajyas hirbellder bys mayth o ev pur skwith.

Mes ev a dhehwelis ha hebask o ev.

Ev a ravyas war men-skrif oll y wriansow,

Ha ev a drehevis an fosow Skovva Uruk,

Ha fos an Tempel Eanna, an meneghi sans.

Mirewgh orth y fos, kepar ha kober yw.

Hwithrewgh an fos kresel, ny vyth y worbassya.

Otta an men treudhow, dhyworth henosow yw!

Kewgh dhe Tempel Eana, an trigva Ishtar,

Ny vyth myghtern po den diwettha hy gorbassya!

Kewgh war an fos Uruk ha kerdh a-dro,

Hwithrewgh y sel, mirewgh war pub meyn.

A nyns usi y wrys a garrek kalesa?

A nyns esa y dowla gans an Seyth Dooth?

Unn lew ker, unn lew lowarth palmek,

Unn lew iseldiryow, garth an Tempel Ishtar,

Teyr lew hag unn garth a Uruk, klos gans y fos.

Kevewgh an kyst kober, ygerewgh hy floren brons,

Digelmewgh kevren an toll kevrinek.

Kemerewgh ha redyewgh an men-skrif karrek-glas,

Ottoma, hwedhel an duryow Gilgamesh!

Yma'n erthygel ma owth usya an Furv Skrifys Savonek a-barth Kernowek kres.

Erthygel kott yw hemma. Ty a yll agan gweres y wellhe! Mar kodhes moy a-dro dhe'n desten ma, klyck chanjya ha dalleth skrifa!

Onan a'n mil erthygel posekka war Wikipedya yw an erthygel ma.