An Spektrum Elektromagnetek

Dhyworth Wikipedya, an godhoniador rydh
Jump to navigation Jump to search
An Spektrum Elektromagnetek

Efander an menowghedhyow a dhewynnyans elektromagnetek yw an spektrum elektromagnetek. Yma’n menowghedhyow ow varya yntra le ages unn herts hag a-ugh dhe 1025 herts (kemmys ha tonnhysow a vilyow a gilometrow dhe le ages treuslinen nuklesen atomek). Rynnys yw an spektrum yntra bondow, pub onen gans hanow dyffrans. Yma dhe bub bond teythi dyffrans, kepar hag an fordh mayth yns i askorrys, an fordh a effeythons mater ha fatel yns i usys.

Pellwelor Radyo Jodrell Bank
Pellwelor Pur Vras (Golow Gweladow)
Pellwelor Dewynnow-X XMM Newton

Devnydh dewynnow elektromagnetek[chanjya | pennfenten]

  • Dewynnow radyo - Y hwrer devnydh a dhewynnow radyo dhe dhanvon towlennow radyo ha pellwolok.
  • Korrdonnow - Devnydh korrdonnow yw kegina boos dre amovya molekulennow dowr.
  • Dewynnyans isrudh - An dewynnow ma a wra movya tomder a’n Howl dhe’n Norvys.
  • Golow gweladow - Hemm yw an golow a alloseg dhyn gweles.
  • Dewynnyans ughviolet - Dewynnow a howllesk agas kroghen yw dewynnyans ughviolet.
  • Dewynnow-X - Y hwrer devnydh a dhewynnow-X yn klavjiow dhe jeckya studh eskern.
  • Dewynnow gamma - Y hwrer devnydh a dhewynnow gamma dhe dhisynklevya frooth.

Fatel helerghir dewynnow elektromagnetek[chanjya | pennfenten]

Marnas golow gweladow, an kensa disgudhans a dhewynnans elektromagnetek a veu yn 1800 pan dhiskudhas William Herschel dewynnyans isrudh. Kyns penn bledhen, y tiskudhas Johann Ritter dewynnow ughviolet. Erbynn lemmyn, yma skiensydhyon owth usya pellweloryow yn pub bond an spektrum.