Alan Stivell

Dhyworth Wikipedya, an godhoniador rydh
Jump to navigation Jump to search
Alan Stivell orth Nuremberg, Almayn, 2007

Alan Stivell (genys Alan Cochevelou 6 mis Genver 1944) yw ilowydh, caner, artydh recordya ha mester a'n delyn geltek, neb a wrug a-dhia an bledhynnyow 1970 dasserhy les ollvysel y'n delyn geltek hag ilow geltek.[1]

Bewnans a-vres[chanjya | pennfenten]

Genys veu Alan yn tre Riom yn Auvergne. Y das Georges Cochevelou o gonisek civil yn Menystrans Arhans Frynk a wrug cowlwul y hunros a dhaswruthyl telyn geltek po bretonek y'n dre vian a Gourin, Breten Vian.[2] Yn 1953, Alan a dhalathas seny an mayn orth naw bloodh yn-dann dhescans y das ha Denise Megevand, telynyores gescan. Mythologieth keltek, art hag istory a wrug Alan desky ynwedh, keffres ha'n yeth vretonek, dons hengovek Breten Vian ha seny an vombard, mayn hengovek a Vreten Vian dhyworth an teylu obow. Ev a dhalathas seny orth kescanow orth unnek bloodh ha desky ilow gwerin Breten Vian, Pow Sows, Alban, Wordhon ha Kembra, keffres ha desky an tambour, an tollgorn wordhonek, ha'n whythel sten.[3] Ev a waynyas lies kesstrif ilow hengovek bretonek hag ev yn bagas pibow Bleimor.[4] Alan a spenas y dermyn avel flogh yn Paris, gans y dhelanwesow cosmopolitek dhyworth Frynk, Aljery, Moroco ha teleryow erel. Mes ev a gavas kerensa dhown rag ilow Breten Vian ha gonisogeth keltek yn kemmyn, ha menowgh y whre ev dewheles dhe Vreten Vian yn y vledhynnyow degowek.[3]

Kensa recordyans Alan a dheudh yn 1960 ("Musique gaelique", Ilow godhalek), hens a veu sewyes gans an LP Telenn Geltiek (Telyn Geltek) in 1964. Yth esa recordyes ganso canoryon telyn rag an gilva yn 1959 gans Breiz ma bro ("Breten Vian ow pow") hag EP Mouez Breiz ("Lev Breten Vian") gans an ganores Andrea Ar Gouilh. "Stivell" yw y hanow gwary, ow styrya "fenten" yn Bretonek. Yma an hanow-ma ow tuchya war an dasserhyans bretonek keffres ha'y hanow teylu "Cochevelou" (chanj dhyworth kozh stivelloù, "coth fentynyow").[3]

Disgyddiaeth[chanjya | pennfenten]

(heb casgliadau)

  • 1961 : Telenn Geltiek
  • 1971 : Reflets
  • 1972 : Renaissance de la Harpe Celtique
  • 1972 : A l'Olympia (Live in Paris)
  • 1973 : Chemins de Terre
  • 1974 : E Langonned
  • 1975 : E Dulenn (Live in Dublin)
  • 1976 : Trema'n Inis - Vers l'Île
  • 1977 : Before landing / Raok Dilestra - Avant d'Accoster
  • 1978 : Un dewezh 'barzh 'gêr - Journée à la maison
  • 1979 : International tour - Tro ar Bed (Live)
  • 1980 : Symphonie Celtique - Tir na nOg
  • 1981 : Terre des vivants - Bed an dud vew
  • 1983 : Legend - Mojenn
  • 1985 : Harpes du nouvel âge
  • 1991 : The Mist of Avalon
  • 1993 : Again
  • 1995 : Brian Boru
  • 1998 : 1 Douar
  • 2000 : Back to Breizh
  • 2002 : Au-delà des mots - En tu-hont d'ar c'homzoù - Beyond words
  • 2006 : Explore
  • 2009 : Emerald
  • 2015 : AMzer
  • 2018 : Human~Kelt

Devynnow[chanjya | pennfenten]

  1. Bruce Elder, Alan Stivell Biography. All Music Guide http://new.music.yahoo.com/alan-stivell/biography/ (last accessed 15 July 2009)
  2. JT Koch (ed). Celtic Culture. A Historical Encyclopaedia ABC-CLIO 2006 pp 1627-1628
  3. 3.0 3.1 3.2 Bruce Elder, Alan Stivell Biography. All Music Guide http://new.music.yahoo.com/alan-stivell/biography/
  4. RFI Music. Alan Stivell. Biography. RFI Music. http://www.rfimusique.com/siteen/biographie/biographie_6138.asp