Hyns-horn Bosvenegh ha Wenford

Dhyworth Wikipedya, an godhoniador rydh
Lamma dhe: kevrennow lewya, hwilas
Pennorsav an hyns-horn, Bosvenegh Jeneral.

Hyns-horn ertach yn Bosvenegh, Kernow yw an Hyns-horn Bosvenegh ha Wenford (Sowsnek: the Bodmin and Wenford Railway). Yma keschanj gans an rosweyth kledhrennow kenedhlek dhodho dhe Worsav Bodmin Parkway, penn soth an hyns.

Istori[chanjya | chanjya an bennfenten]

Hyns-horn an West Bras a ygerys y skorren dhyworth Fordh Vosvenegh dhe Vosvenegh Jeneral (Bodmin General) war 27ves mis Me 1887, ha hyns-horn dibarthva dhe junya gans an Hyns-horn Bosvenegh ha Ponsrys o ygerys war 3a mis Gwynngala 1888. An hyns-horn a dhigeys war 3a mis Hedra 1983 wosa diwedh an fresdraffik dhyworth Wenford.

An Kowethas Gwitha Hyns-horn Bosvenegh (the Bodmin Railway Preservation Society) o formys yn 1984 ha'ga dydh yger kensa dhe Vosvenegh Jeneral o dew vledhen diwettha. Yn 1987 an Kowethas Lokomotyv Ethenn Kernowek (the Cornish steam Locomotive Society) a wayas aga daffar dhyworth Karnrosveur dhe Vosvenegh.

Gorhemmyn Hyns-horn Skav o grontyas yn 1989 ha trennow trethysi a dhallathys yntra Bosvenegh Jeneral ha Parkfordh Bosvenegh (Fordh Vosvenegh yn kens) an bledhen nessa. An skorren koth a ygerys arta yn 1996 gans gorsav nowydh dhe Dhibarthva Voskarn.

Hyns[chanjya | chanjya an bennfenten]

An hyns yntra Bosvenegh Jeneral ha Parkfordh Bosvenegh yw 3.5 mildir (5.6 km) hag yntra Bosvenegh Jeneral ha Dibarthva Voskarn yw 3 mildir (4.8 km).

4247, jynn-ethenn Hyns-horn an West Bras dhe Dhibarthva Vorskarn.

An hyns a dreus an Avon Fowydh war Bonsfordh dhe Barkfordh Bosvenegh kens owth yskynna war-tu Bosvenegh Jeneral. Yma unn halt yntra Parkfordh ha Jeneral dhe Coleslogget Halt. Ev o byldyas yn 1993 rag Park Bargen Tir a dhegeys lemmyn; yn jydh hedhyw Coleslogget Halt a offr le dalleth rag rosweyth a gerdhvaow dhe Goos Kardhinan. An viaj a gemmer 25 mynysen yntra'n dhew worsavow.

Wosa an viaj dhe Barkfordh Bosvenegh an tren a worthtreyl dhe Vosvenegh Jeneral kens ow talleth an viaj dhe leur an skorren nessa dhe Dhibarthva Voskarn. Ogas an Hyns-diwros Kammel yw gorsav Dibarthva Voskarn. Yma aspiryansow dhe'n hyns-horn dhe ystyn ryb tenewen an hyns-diwros dhe Bonsrys y'n termyn a dheu.

Lokomotyvyow[chanjya | chanjya an bennfenten]

Jynnow Ethenn Hyns-Meur.[chanjya | chanjya an bennfenten]

  • 4247 - HWB Klas 4200 2-8-0T jynn fres poos. Byldyas yn 1916, hi a dennys trennow a jinabri dhyworth Lanndreth dhe Fowydh.
5552 ow tilegha Dibarthva Voskarn.
  • 4612 - HWB Klas 5700 0-6-0TP. Onan a'n jynnow tank panyer a oberys war an skorrennow jinabri yn hag ogas dhe Lanndreth.
  • 5552 - HWB Klas 4547 2-6-2T. Byldyas yn 1928, an klas jynn-ma o kemmyn war voya a'n skorrennow Kernowek.
  • 6463 - HWB Klas 6400 0-6-0TP. Tank panyer aral, fityas gans daffar autodren o an klas-ma rag trennow ynter Aberplymm hag Essa. Byldyas yn Ebrel 1937, 6435 a oberys yn Kembra rag lower a vledhennyow.
  • 30587 - HLSW Klas 0298 2-4-0TF "Beattie Well Tank" (tank fenten). Byldyas yn 1874, onan a'n lokomotyvyow koth o usys war an skorren moon dhyworth Dibarthva Voskarn ha Ponswenford.
  • 30120 - HLSW Klas T9 4-4-0 "Greyhound" (Ki Loos). Byldyas yn 1899, ev a dennys trennow ekpress dhyworth Karesk dhe Bonsrys ha Lannwedhenek.

Jynnow Disel Hyns-Meur.[chanjya | chanjya an bennfenten]

50042 dhe Vosvenegh Jeneral.
  • D3452 – Kledhrennow Bretennek Klas 10 0-6-0 disel-tredan (DT) jynn shuntya.
  • 08444 – Kledhrennow Bretennek Klas 08 0-6-0DT jynn shuntya. An disel kensa dhe dhos dhe'n Hyns-horn Bosvenegh ha Wenford yn 1987.
  • 33110 – Kledhrennow Bretennek Klas 33 Ehen 3 Bo-Bo.
  • 37142 – Kledhrennow Bretennek Klas 37 Ehen 3 Co-Co yn glas KB.
  • 47306 – Kledhrennow Bretennek Klas 47 Co–Co a henwelys "The Sapper".
  • 50042 – Kledhrennow Bretennek Klas 50 Co–Co a henwelys "Triumph" rag an gorhelvell yn glas KB.

Unytyow Liesek Disel.[chanjya | chanjya an bennfenten]

  • KB Klas 108 unyt 50980+52054 ha karr difresek 51947.

Jynnow Diwysyansek Koth.[chanjya | chanjya an bennfenten]

0-4-0DD "Alfred" dhe Vosvenegh Jeneral, payntyas melyn avel "Bill" po "Ben" a "The Railway Collection" gans an Revrond W. Awdry.
  • Alfred – Onan a'n dhew Bagnall Porth a Borth 0-4-0DD (diberdank).
  • Brian - 0-4-0 Ruston Hornsby shuntyor yw Brian.
  • Judy – An Bagnall Porth a Borth 0-4-0DD kottha.
  • 19 – Bagnall 0-4-0DD.
  • 2766 – Hunslet Austerity 0-6-0DD.
  • 3121 – Bagnall 0-4-0AD (Andan).

Kevrennow a-ves[chanjya | chanjya an bennfenten]

Gwiasva Sodhogel (Sowsnek)