Bosvenegh

Dhyworth Wikipedya, an godhoniador rydh
Lamma dhe: kevrennow lewya, hwilas
Eglos Sen Petrok, Bosvenegh.

Bosvenegh (Sowsnek: Bodmin) yw tre yn kres Kernow, Breten Veur, desedhys orth amal west an Hal Fowydh. Fondys veu eglos managhti omma gans Sen Petrok y'n 6ves kansblydhen; ev a ros an hanow arall dhe Vosvenegh neb yw Petrockstow. Eglos Sen Petrok a veu drehevys y'n 15ves kansblydhen, ha hi yw an brassa eglos yn Kernow. Diwysogneth sten o pennjist an erbysieth Bosvenegh dres brassa rann istori an dre. Yn 2004, yma 16 600 a drigoryon y'n dre [1]; an poblans yn niveryans 2001 o 12,778.

Profys re beu bos hanow an dre yn Sowsnek, Bodmin, dhiworth an geryow kernewek 'bos' ha 'menegh', mes kevys yw an hanow kyns fondyans an managhti a skoedh an profyans na. Mars yw gwir po kamm, Bosvenegh yw hanow an dre yn Kernewek hedhyw. Martesen an hanow a gampoell desedhyans menegh a-varra fondys gans Sen Guron, a gemmeras Sen Petrok avel y dyller y honan.

Yma chi Lannhydrek y'n kyrghynn; abatti Sen Petrok a biwo an stat ma kyns Terroes an Managhtiow gans Henry VIII.

Flag of Cornwall.svg Porth Kernow – Tre rag folennow ha klassys Wikipedya a-dro dhe Gernow.