Hyns-horn an West Bras

Dhyworth Wikipedya, an godhoniador rydh
Kota arvow Hyns-horn an West Bras.

Hyns-horn an West Bras (HWB) po The Great Western Railway (GWR) yn Sowsnek o kompani hyns-horn bretennek a junyas Loundres gans an west ha'n soth-west a Bow Sows ha lower a Gembra. Fondyas yn 1833 o hag a recevys y Ober a Senedh yn 1835. Isambard Kingdom Brunel o an yngynor, a wrug dewis kledhrennow efan a 7 tros-hys ha kwartron meusva (2,140 mm), mes dhyworth 1854 ev a dhallathys owth oberi trennow 4 tros-hys 8 ha 1/2 meusva (1,435 mm), kledhrennow savonek. An tren kledhrennow efan diwettha Hyns-horn an West Bras a oberys yn 1892. An kompani a stoppyas ow pos dhe'n diwedh 1947 pan ev a eth hag o an Ranndir West a Gledhrennow Bretennek.

Kochow kuldremenva nowydh war an Uskis Trethvor Kernowek.

Ertach[golegi | pennfenten]

Lower a govyow HWB re beu gwithys gans gwithtiow avel STEAM - the museum of the GWR (y'n hwelji hyns-horn Swindon koth) ha'n Didcot Railway Centre.

Lower a hensi HWB re beu gwithys ynwedh, rag ensampel an hyns yntra Fordh Bosvenegh ha'n Dre Vosvenegh (y'n jydh hedhyw an Hyns-horn Bosvenegh ha Wenford) po an hyns yntra Totnes ha Buckfastleigh (an Hyns-horn Dewnens Soth). An hensi-horn-ma a with hag a dhevnydh lower a jynnow ha kochow HWB keffrys.