Y Blew
Y Blew (An Blew) o an bagas rock kensa dhe gana e'n yeth Kembrek ha dyllo rekord. Furvyes veu an bagas Pask 1967, gen pymp a studhyoryon Universita Kembra, Aberystwyth. Drog o gen anjei kana skav Kembrek a'n gis koth. Anjei a garja displegya musek leun a styr dhe bobel yowynk. Henwyn anjei o Maldwyn Pate (kaner), Dafydd Evans ((fabordenydh), Rick Lloyd (gitarydh), Dave Williams (alhwedhellow) ha Geraint Evans (tabourer).
Anjei a dhallathas gen keskan en hel Talybont Pask 1967. May hell anjei kawos an daffar rag displegya pella, res o dhe anjei chevisya luck mona.
Anjei eth war dorn en vann (henwys Y Blewfan) ha gwari moy es 50 a geskanow en eth mis. Anjei a wrug rekordya aga udnik rekord Maes B an hav na.
Furvya an Bagas
[golegi | pennfenten]Maldwyn Pate a assayas furvya bagas tredanek rag kana en Kembrek gen kes-studhyoryon a Universita Aberystwyth. Hanow an bagas o ‘Y Pedwar Cainc’ - Dafydd Evans, Maldwyn Pate (eseli Y Blew warlergh hedna) gen Hefin Elis (esel Edward H. Dafis woja hedna) ha Geraint Griffiths (esel a Eliffant hag Injaroc woja hedna). Saw unweyth e hwrug an bagas performya, en Esethvos Aberafan 1966. Na veu an goslowysi parys rag ilow rock en Kembrek.
An nessa bledhen ev a furvyas 'Y Blew'.
Diwedh an bagas
[golegi | pennfenten]An bagas a wrug performya bys Nadelek 1967. An kaner Maldwyn Pate eth dhe oberi en Evrek Nowydh avel donslynyer. Richard Lloyd a dheuth ha bos esel bagas an Flying Pickets. Anjei a gawas rekord en niver onan en chartys Breten Veur gen ‘'Only You’’ Nadelik 1983.
Rol a rekordys
[golegi | pennfenten]Dyllansow Rekord
[golegi | pennfenten]Bledhen | Hanow | Label | Furv | Yeth |
---|---|---|---|---|
1967 | Maes B / Beth Sy'n Dod Rhyngom Ni | Qualiton | vinyl | Kembrek |
Ma an erthygel ma usya an Furv Skrifys Savonek a-barth Kernowek diwedhes.