Walt Whitman

Dhyworth Wikipedya, an godhoniador rydh
Walt Whitman yn 1887.

Prydydh, journalyas ha skrifer assays Amerikanek o Walter "Walt" Whitman (Me 31, 1819 – Meurth 26, 1892). Avel denor, ev o rann a'n tremenyans yntra treuskynnolieth ha gwirder, ow komprehendya an dhew dybyans ma yn y oberow. Whitman o onan a'n delanwesekka prydydhyon y'n chenon Amerikanek, yn fenowgh yma va henwys an tas a wersyow rydh. Gorthargyadow yn y dermyn esa y ober, yn arbennek y guntel a vardhonieth Leaves of Grass, esa deskrifys avel lewd awos y omglowanselieth. Bewnans Whitman an dheuth yn-dann hwithrans rag y gethreydhelieth vedhys.

Genys yn Huntington war Enys Hir, Whitman a oberas avel kournalyas, dyskador, ha skrifwas an governans. Dhe 11 bloodh, y kasas adhyskans formel dhe oberi. Avel flogh ha dre veur a'y resegva y trigas yn Brooklyn. Penn-ober Whitman, Leaves of Grass, o dyllys yn kensa yn 1855 gans arghans y honan. An ober o assay dhe ystyn dhe dus kemmyn gans epik Amerikanek. Y pesyas dh'y lesa ha'y amendya bys dh'y vernans yn 1892. Dres Bresel Civil Amerika yth eth dhe Washington D.C. hag oberi yn klavjiow, ow kara an re goliys. Y vardhonieth a fogellas war golles ha yaghheans yn fenowgh. Dew a'y vardhonegow mogha aswonys, "O Captain! My Captain!" ha "When Lilacs Last in Dooryard Bloom'd", a veu skrifys orth mernans Abraham Lincoln. Wosa kronk war-tu ha diwedh y vewnans, Whitmans a vovyas dhe Camden, Jersey Nowyth, le ma teklinyas y yeghes yn pella. Pan verwis gans 72 bloodh, y ynkleudhyans o hwarvos poblek.

Oberow[golegi | pennfenten]

  • Franklin Evans (1842)
  • Life and Adventures of Jack Engle (kevres yn 1852)
  • Leaves of Grass (1855, an kensa a lies dyllans bys dhe 1891)
  • Manly Health and Training (1858)
  • Drum-Taps (1865)
  • Democratic Vistas (1871)
  • Memoranda During the War (1876)
  • Specimen Days (1882)