Transistor

Dhyworth Wikipedya, an godhoniador rydh
Jump to navigation Jump to search
MOSFET kanel-n, eghen a dransistor

Transistor yw devis elektronieth a yll bos usys kepar ha skwych elektronieth po kepar hag argrevell a voltedh po fros tredan.

Devis hanter-kendegiell yw, kepar ha diod, hag a dhevnydh pennrewl an or p-n. An devis yw gwrys gans diw eghen a byth hanter-kendegiell; eghen-n (kargedh negedhek) a’n jeves moy a elektrons hag eghen-p a’n jeves moy a dell-elektron (po tell yn sempel) hag yw estrik elektron.

Oberyans[golegi | pennfenten]

Rag ensample, pan yma kargedh posedhek dhe’n “gate” (porth) dhe MOSFET kanel-n (imach), an elektrons y’n byth eghen-p a way war-tu ha’n porth. Ytho, an byth ogas dhe’n porth a dheu ha bos eghen-n hag yma hwath kanel a byth eghen-n yntra’n “drain” ha “source” hag yw kendegiell a fros tredan. Pan yw an kargedh hedhys, an kanel a dheu ha bos or n-p-n arta.