Tal (kewer)

Ensampel a	or
Acheson	Frontogenesis
Synsys ynno/i	tal yeyn, tal domm, tal okkludys, dry line, stationary front
	Restrennow kelmys war Gemmyn Wikimedia

Yn keweronieth, tal yw amal yntra dew ayrgorf. Pan wrello ayrgorf tomm gwaya tro'ha ayrgorf yeyn, tal domm a hwer. Tal yeyn a hwer pan wrello ayrgorf yeyn mos tro'hag ayrgorf tomm. Pubonan a's teves gnasow kewer arbennik. Dell yw usys, talyow a dheu drefen devedhyans diwaskedh. Drefen bos gwynsow ow treylya, ayrgorf tomm a yskyn a-ugh ayrgorf yeyn, ha'n ayrgorf yeyn hag a sew a yn-dann an ayrgorf tomm. Y'n dhew gas, ayr a yskyn, ow yeynhe, ethen dowr a luth ha hi a wra glaw. Wosa niver a dhedhyow, oll an ayr y'n ranngylgh tomm yw drehevys a-ugh an tir. Gelwys yw an studh ma avel tal okkludys. Arwodhyow rag talyow war vappa kewer yw linen gans hanterkylghow rudh dhe'n dal domm, linen gans trihornow glas dhe'n dal; yeyn, ha rag tal okkludys linen gans hanterkylghow ha trihornow ow tereylya.

Displegyans kewer a-dreus tal domm

Sort a gewer	Kyns devedhyans an dal domm	Orth tremena an dal	Wosa an dal
Tempredh	Goyeyn	Tommhe a-dhesempis	Tomma, ena levenhe
Gwaskedh ayrgylghyek	Lehe yn fast	Levenhe	Ynkressyans byghan hag ena digressyans
Gwynsow	Soth dhe soth-est (Hanterkylgh an Ogledh) North dhe north-est (Hanterkylgh an Dhyghow)	Varyansek	Soth dhe soth-west (Hanterkylgh an Ogledh) North dhe north-west (Hanterkylgh an Dhyghow)
Kodhans	Mann, del yw usys, mes y'n hav kawosow skav yw possybyl	Glas fast	Niwllaw, ow lettya tamm ha tamm
Komol	Cirrus, cirrostratus, altostratus, nimbostratus, ena stratus.	Nimbostratus, treweythyow cumulonimbus	Ow klerhe gans nebes stratocumulus
Gweladewder	Boghosek	Boghosek ha gwellhe	Howlek
Poynt gluthyans	Owth yskynna yn fast	Fast	Yskynnans, ena fast

Displegyans kewer a-dreus tal yeyn

Sort a gewer	Kyns devedhyans an dal yeyn	Orth tremena an dal	Wosa an dal
Tempredh	Tomm	Yeynhe yn uskis	Yeynhe yn fast
Gwaskedh ayrgylghyek	Lehe yn fast	An isella, ena ynkressyans a-dhesempis	Ynkressya yn fast
Gwynsow	Soth-west dhe soth-est (Hanterkylgh an Ogledh) North-west dhe north-est (Hanterkylgh an Dhyghow)	Hwythek, chanjus	North dhe west, dell yw usys north-west (Hanterkylgh an Ogledh) Soth dhe west, dell yw usys soth-west (Hanterkylgh an Dhyghow)
Kodhans	Glaw skav kloutys.	Glaw ystynnys po tewedhow taran	Kawosow, ena klerhe
Komol	Cirrus, cirrostratus ena altostratus kepar ha tal domm.	Cumulonimbus owth askorra kawosow menowgh, treweythyow nimbostratus a hwer gans glaw ystynnys	Altocumulus po stratocumulus kloutys
Gweladowder	Teg dhe voghosek gans niwl	Boghosek mes ow gwellhe	Da, a-der kawosow
Poynt gluthyans	Ughel, fast	Kodh a-dhesempis	Ow kodha