Tabbouleh

Dhyworth Wikipedya, an godhoniador rydh
Jump to navigation Jump to search
Flickr - cyclonebill - Tabbouleh.jpg
Ensampel a salad Edit this on Wikidata
Klass salad, sand a losowyow kegin Edit this on Wikidata
Label teythyek تبولة edit this on wikidata
Gwlas Syri Edit this on Wikidata
Rann a keginieth a Syri Edit this on Wikidata
Synsys ynno/i aval kerensa, persil Edit this on Wikidata
Commons page Restrennow kelmys war Gemmyn Wikimedia

Tabbouleh (Arabek: تبولة‎, romanekhes: tabbūla; ynwedh tabouleh, tabbouli, tabouli po taboulah) yw salad Levantin gwrys a dhevnydhyow nedhys yn fin: persil, avalow kerensa, menta, onyon, greunvos henwys bulgur (soubys, a-der kegys), ha saworys gans oyl olew, sugen lymmaval, sel ha puber hweg. Yma gwersyonys a geworr letus po usya talghyos (semolina) a-der bulgur.

Tabbouleh yw servys yn hengovek avel rann meze y'n bys arabek. Y teuth ha bos aswonys yn gonisogethow an West kepar ha Pow Frynk ynwedh.

Gerdardhyans[golegi | pennfenten]

An ger Arabek Levantin tabbūle a dheu a'n ger Arabek tābil a ger gwreydhen Aramaek t-b-l, a styr "saworyans" po "dippa".

Istori[golegi | pennfenten]

Erbys dybradow henwys qaḍb o rann a res an rewlvoos arab yn Osow Kres. Sandys kepar ha tabbouleh a dhiskwedh kerensa an bobel yn keginieth an Est Kres hedhyw. Tabbouleh a dheu a-dhyworth an menydhyow a Lebnon ha Syri hag yw onan an saladys an moyha meurgerys yn Est Kres. Yn Lebnon, Dydh Kenedhlek Tabbouleh Lebnon yw dydh bledhynnyek a-barth tabbouleh synsys an kynsa dy'Sadorn a vis Gortheren.

Varyansow ranndiryek[golegi | pennfenten]

Yn Est Kres, yn arbennik yn Syri, Lebnon, Palestin, Jordan, Ejyp hag Irak, servys yw avel rann meze. Tus a Syri ha Lebnon a dhevnydh moy persil ages gwaneth bulgur y'ga sand. Varyans turkek an sand henwys kısır ha sand kehaval armenek henwys eetch a dhevnydh lies gweyth moy bulgur ages persil. hen varyans aral yw henwys terchots. Yn Koberenys, le may feu dres an sand gans tus a Lebnon, henwys yw an sand tambouli. Y'n Repoblek Dhominikanek, gwersyon leel an sand dres gans ynvroysi yw henwys Tipile.