Suad Amiry

Suad Amiry
Suad Amiry
Genys	1951 ; Damask
Kenedhlogeth	Palestayn
Alma mater	Pennskol Karedin; Pennskol Michigan; Pennskol Amerika yn Beyrut ;
Galwesigeth	pennser, jynner, skrifer
Arvether	Pennskol Birzeit; Riwaq ;
Pewasow	Viareggio-Versilia International Prize

Suad Amiry (Arabek سعاد العامري) (genys 1951) yw awtour ha pennser a drig yn cita Ramallah y’n Lann West.

Adhysk

Hy herens a vovyas dhyworth Palestayn dhe Amman yn Jordan, ytho megys veu ena. Hi a studhyas pennserneth yn Pennskol Amerika yn Beyrut, Pennskol Michigan ha Pennskol Karedin, Alban.

Bewnans personel

Pan dhehwelas dhe Ramallah avel tornyas yn 1981, hi a vetyas Salim Tamari, neb a’y demedhas awosa, ha gortos ena.

Resegva

Treylyes re beu hy lyver Sharon and My Mother-in-Law dhe 19 yeth, an diwettha anedha Arabek (an versyon a veu lyver gorwerth yn Pow Frynk). An lyver a waynyas an Pewas Viareggio yn Itali war-barth ha Manuela Dviri, jornalydh ha dramatydh italo-israelyek. Ledhys veu mab Dviri gans fusen Hezbollah pan oberi y’n lu israelyek.

Ynter 1991 dhe 1993 Amiry a veu esel a ganasedh kres palestinek yn Washington, D.C.. Hi a bys dhe oberi gans kaskyrghow kres benenes palestinek hag israelyek.

Ynter 1994 dhe 1996 hi o skoodhyer ismenyster gonisogeth an awtorita palestinek.^[1]

Hi yw kevarwodher ha fondyer Kresen Riwaq rag Gwithans Pennsernethel (fondys veu an Gresen yn 1991), an kynsa a’y sort dhe oberi war withans ha dasdrehevel ertach pennsernethel yn Palestayn.

Amiry o esel a veyni Pennskol Birzeit bys dhe 1991. Wosa henna hi re oberas dhe Riwaq le mayth yw kevarwodher.^[2] Apoyntys veu dhe vos iskaderyer Kesva Fydhyadoryon Pennskol Birzeit yn 2006.

Riwaq

Onan a ragdresow kynsa Riwaq o gul rol a dhrehevyansow a werth istorek yn Palestayn, kowlwrys yn 2004 hag a gomprehend 50,000 a dhrehevyansow, hanter anedha magoryow. Yn 2001 Riwaq a lonchyas towlen deg bledhen dhe wul hwelyow dre withans (tashgheel). Oberoryon a veu adhyskys dhe dhevnydhya daffar ha teknegow hengovek. Yn 2005 Riwaq a lonchyas ragdres '50 gwig' hag a with tylleryow poblek ha gweres trevesigyon dhe nowetthe aga threven.^[3] Riwaq re wrug ober posek ynwedh y’n Gwigow Tron (qura karasi), kresyow tollans Ottoman. ^[4]

Lyvrow

Space, Kinship and Gender: The Social Dimension of Peasant Architecture in Palestine. University of Edinburgh Press (1987)
The Palestinian Village Home. British Museum Press. (1989) gans Vera Tamari
Traditional Floor Tiles in Palestine. Mongraf Riwaq. (2000)
Earthquake in April. Institute of Palestine Studies. (2003)
Sharon and My Mother-in-Law : Ramallah Diaries. Knopf Doubleday Publishing Group (2005)
Nothing to Lose but Your Life: An 18-Hour Journey with Murad. (Paperback) Bloomsbury Qatar Foundation Publishing (2010)
Menopausal Palestine: Women at the Edge. Women Unlimited. (2010)
Golda Slept Here. Hamad Bin Khalifa University Press. (2014)
My Damascus. Olive Branch Press. (2021 - Italian edition 2017)

Dustuni

↑ https://www.penguinrandomhouse.com/authors/67530/suad-amiry/
↑ "About Riwaq". 10 December 2006. http://www.riwaq.org/about/about.html.
↑ Andrew Ross (sociologist)|Ross, Andrew (2019) Stone Men. The Palestinians Who Built Israel. Verso Books|Verso. Skantlyn:ISBN p.103
↑ Ross. p.114

Kevrennow dhe-ves

Riwaq Centre for Architectural Conservation
Birzeit University
Keskows Radyo - Recording dhyworth Woman's Hour der BBC Radio 4
Vysyt dhe'n Gresen Palesteyn yn (Washington DC) rag keskows ha sina lyver. Redyewgh dasskrif warlinen po mirewgh orth gwydhyow a'y heskows

[1] ttps://www.penguinrandomhouse.com/authors/67530/suad-amiry/

[2] "About Riwaq". 10 December 2006. http://www.riwaq.org/about/about.html.

[3] Andrew Ross (sociologist)|Ross, Andrew (2019) Stone Men. The Palestinians Who Built Israel. Verso Books|Verso. Skantlyn:ISBN p.103

[4] Ross. p.114

[1]

[2]

[3]

[4]