Stargate SG-1

Richard Dean Anderson, a wari General Jack O'Neill y’n kevres

Towlen bellwolok fugieth skiansek ew 'Stargate SG-1'. Gwrys veu gen Jonathan Glassner ha Brad Wright, ow sterenna Richard Dean Anderson, Michael Shanks, Amanda Tapping, Christopher Judge, Don S. Davis, Corin Nemec, Ben Browder, Beau Bridges ha Claudia Black. Gwrys veu en Kanada ha'n Statys Unys. Ema 214 a dowlennow e'n kevres ha 2 fylm rag pellwolok. Aga hirder ew 42 mynysen (63 mynysen traweythyow).

An kevres a hwer woja an fylm Stargate. An dowlen a dhallathas war an 27ves a Vis Gorefen, 1997 war ganel pellwolok Showtime, ynter 1997-2002, ha nena war an ganel bellwolok Sci Fi, ynter 2002-2007. Hirder an kensa towlen, "Children of the Gods" o diw eur. An dowlen dhiwettha o "Unending" war an 13ves a Vis Meurth, 2007.

An dowlen a lever a-dro dhe oberyans kevrinek kasorek henwys an ‘Stargate Program’ (Towlen Sterborth). Pennplas an dowlen ew en-dadn Menedh Cheyenne, en Kolorado, Statys Unys, henwys Stargate Command (po’n SGC). An dowlen a sew udn bagas, henwys SG-1. Eseli an bagas ew Colonel Jack O'Neill (Richard Dean Anderson), Dr. Daniel Jackson (Michael Shanks), Major Samantha Carter (Amanda Tapping), ha Teal'c (Christopher Judge).

Ma an erthygel ma usya an Furv Skrifys Savonek a-barth Kernowek diwedhes.