Gweles an bennfenten rag Seleniom

{{Taklow| fetchwikidata=ALL | suppressfields= * | image2 = Se-TableImage.svg }}

Elven gymyk yw [[Seleniom|'''seleniom''']], niver 34 y'n [[An Vosen Beriodek|Vosen Beriodek]]. Y furvell gymyk yw '''Se'''. An hanow a dheu dhyworth an ger ''selene'', hanow [[Grew|Greka]] dhe'n [[Loor]].

Elven essensek dhe'n korf denel yw seleniom. Rann yw dhe'n ensaymow glutathion peroksidas ha deiodinas. Yn despit dhe hemma seleniom a yll bos gwenonek (a ugh 450μg an jydh). Arwodhow a bosna seleniom yw anal flerys. Seleniom a yll defolya. Yn 1983 defolyes veu kreun dowr Kesterson yn nans San Joaquin, [[Kaliforni]], gans seleniom dhyworth bargennyow tir leel. 

Diskudhys veu seleniom gans {{ill|Jöns Jacob Berzelius|en}} yn [[Stockholm]] yn 1817. Ev a wrug hwithrans war remenant orth goles kerynyow yn gweythva trenken sulfurik. Ev a verkyas bos seleniom hevelep orth [[teloriom]]. Hemma veu an acheson rag an hanow (seleniom - an Loor, ha teloriom - an Norvys). Tanow yw monow seleniom. Askorrys yw avel isaskorr purhe [[kober]], [[Plobm|plomm]] ha [[zynk]], dell yw usys. An askorroryon moyha yw [[Kanada]], an [[Statys Unys]], [[Bolivi]] ha [[Russi]], a-dro dhe 1500 tonnas an vledhen (hag eylgylghys yw 150 tonnas aral).

Alkan seleniom a wra kendegi milgweyth gwell pan yw y'n howlsplann. Usys yw ytho rag kellow fototredanek, liesskrifellow ha panellow howlek (30% a askorrans). Usys yw 25% dhe wul gweder (keworrys [[sodiom]] selenat (Na<sub>2</sub>SeO<sub>4</sub>) dh'y dhasliwa, po kadmiom selenid dhe wul gweder rudhem), yn arbennek gweder liw brons rag tourow ebron. Usys yw 15% avel sodiom selenit dhe wul boos enevales. Keworrys yw kesstoffow seleniom dhe shampoo gorth-breghi (Sowsnek - anti-dandruff).

Poos atomek seleniom yw 78.96, y boynt teudhi yw 217°C ha'y boynt bryjyon yw 685°C. Y dhosedh yw 4.8kg an liter. Seleniom a eksist avel diw furv: alkan arghansek po polter rudh.

==Mirva==
<gallery class="center" widths="175px" heights="150px">
Restren: Jöns_Jacob_Berzelius.jpg |skeusennik|Jöns Jacob Berzelius
Restren: Red_Glass_Ashtray.jpg |skeusennik|Gweder rudh seleniom
Restren: Xerox_photocopier_in_GlenOak_High_School_library_2004.jpg |skeusennik|Usys yw seleniom yn liesskifellow
Restren: Head_%26_Shoulders_shampoo_bottle.jpg |skeusennik|Shampoo gorth-dandruff
Restren: Ducklrg.jpg |skeusennik|Heyjik difurvys awos difolyans
Restren: Evaporation_ponds_Kesterson_national_wildlife_refuge.jpg |skeusennik|Ranndir kreun dir Kesterson
Restren: Seagram_Building_(1).JPG |skeusennik|Gweder brons war dhrehevyans Seagram yn [[Evrek Nowydh]], 
</gallery>

[[Klass:Elvennow kymyk]]