Redenen

Reden Efander menhesennow: Dewnansek – lemmyn 360–0 Ma
Diversita a reden nihonek
Klassans bewoniethek
Gwlaskor:	Plantae
Rannans:	Polypodiophyta
(anrenkys):	Tracheophytes
Urdh:	Polypodiopsida
Isklassys
Yn fyw hwath Equisetidae Marattiidae Ophioglossidae Polypodiidae Difeudhys †Cladoxylopsida †Zygopteridales †Stauropteridales †Rhacophytales

Reden yw bagas a ca. 20,000 eghen a blansow (a-dro dhe 11,000 anedha yw byw hwath) y'n rannans Polypodiophyta. Dihaval dhe Bryophyta, eghennow reden a's teves xylem ha phloem, ytho plansow vaskiwlek (vascular) yns i.

An rann vrassa a reden a long dhe'n Klass Polypodiopsida. An klass ma a gomprehend an brassa rann a'n re na gwelys yn lowarthow ha gwedhegi. Lostow margh a long dhe glass aral, an Equisetopsida, posek dres eghen y'n Amser Kalghek. Unn kinda yn unnik a dreusvyw. An klassys erel a reden yw byghan ynwedh hedhyw.

Nyns eus dhe reden kor po kellow arbenik war an enep a lett dowr rag ethenna. Drefen henna, i a vyw gwella yn tylleryow mayth usi meur a niwl po glaw ha skeusow a's difresa rag golow howl didro. I a's teves gwreydh, garrow ha del. An garrow a yll furvya skorrow, gelwys stolonow a-ugh an tir, po gwreydhkyfyow yn-dann an dor. An del yw gwyrdh ha bras treweythyow ow tevi sporow war an tu isella. Nebes reden a yll tevi yn fras yn tylleryow gleb. I a yll treusvewa yn moy a dylleryow ages kewni, mes le anedha ages plansow bleujennek.

Dres an Amser Kalghek, a-dhia nans yw 350 milvil bledhen - reden a vewa yn pub tyller war an tir. Lostow an margh a wre tevi bys dhe ughelder a 30 meter. Yth esa koswigow meur a reden ha kewni, leun a hwesker hujes. Hedhyw, nyns eus lower a reden kowrek.

Nyns eus dhe reden hasennow. Yn le henna, i a dhinyth dre sporow.

• 
  Egin-dhelen
• 
  Redenek yn-dann koswik
• 
  Gwedhen-redenen