Pop Art
.jpg)
Pop Art ew gwayans art arnowydh a dhisplegyas e'n 1950ow ha 1960ow. Gwres veu gen an gravyer hag artyst Albanek Eduardo Paolozzi en Loundres, 1952. Andy Warhol, Robert Indiana hag Roy Lichtenstein ew ensamplow a artysts pop. Ema dhe Pop Art themys ha teknegow kemerys dhort gonisogeth bush, pecara argemydnans ha levrow bondys comyk. Emava owth usya skeusednow a wonisogeth gwerinek en le gonisogeth gorbryvelejys en art.
Dalleth
[golegi | pennfenten]Gwelys ew an Bagas Anserghogek (Sowsnek - Independent Group), fondys en Loundres en 1951 avel dalleth an gwayans 'Pop Art'. [1][2] Cuntel a lymners, gravyoryon, pennsery, scriforyon ha crityks en jei era ow chalenjya breusys arnowydh dhe wonisogeth keffrys ha gwelyow hengovek a "art fin". Omgussulyansow an bagas a viras ort wonisogeth gwerinek pecara argemydnans bush, fylmow, delinya ascorasow, bondys comyk, fugieth sciensek ha teknologieth.
En cuntelles kensa an bagas en 1952, Eduardo Paolozzi a wrug areth owth usya kevres a 'collages' titlys Bunk! cuntellys ganjo dres y dermyn en Paris tredh 1947–1949.[1][2] An collages a wrug consistya a 'draow diskudhys' pecara argemydnans, tus dhort levrow bondys comyk, cudhlednow levrow-termyn ha grafigow bush-ascorrys dhort gonisogeth gerys-da Americanek. Onan a'n skeusednow en y areth o collage Paolozzi a 1947, I was a Rich Man's Plaything, a gomprehendas us kensa an ger 'pop' ow tiskwedhes en cloud a vog ow tos a-dhyworth godn. [1][3] Woja areth Paolozzi en 1952, an bagas a fogellas war skeusednow gonisogeth gerys-da Americanek, en arbednek argemydnans bush. [4]
Methodys
[golegi | pennfenten]An artysts a usas for'ow jynnweythek a dhasscrifa po teknegow nag wrug posleva us diwla an artyst.
Artysts pop a venja clerder pur. An brassa radn a formys a gomprehendas amal linen dhu pecar hag en lever bondys comyk. An taklow ew plen pecara skrisel heb gwel gemusur. An liwyow ew cler, akromatek ha sempel.
En nebes collages, chanjyes po dyghtys ew taklow bownans pubdedhyek. Kevren ew Pop Art tredh gwiryonedh hag art, usys en for'ow anvaterial. Nebes geryow rag aga descrifa ew: gerys-da, consumadow, a bris isel, wharthus ha meur aga bri.
Meur a 'Pop Art' ew academek y nas ha kalish y gonvedhes. Considrys ew bos Pop Art hag ispoyntegieth an gwayansow arnowydh diwettha, hag etho dallethoryon art woja-arnowydh.
Artysts pop art a vri
[golegi | pennfenten]- Peter Blake
- Jim Dine
- James Gill
- Red Grooms
- Richard Hamilton
- Keith Haring
- David Hockney
- Robert Indiana
- Jasper Johns
- Roy Lichtenstein
- John McHale
- Claes Oldenburg
- Julian Opie
- Eduardo Paolozzi
- Peter Phillips
- Pietro Psaier
- Robert Rauschenberg
- Larry Rivers
- James Rizzi
- James Rosenquist
- George Segal
- Wayne Thiebaud
- Andy Warhol
- John Wesley
- Tom Wesselmann
Devynnow
[golegi | pennfenten]- ↑ 1.0 1.1 1.2 Livingstone M. 1990. Pop Art: a continuing history. New York: Abrams.
- ↑ 2.0 2.1 Arnason H. 1968. History of modern art: painting, sculpture, architecture, New York: Abrams.
- ↑ "Tate Collection image: I was a Rich Man's Plaything". http://www.tate.org.uk/imap/imap2/pages/paolozzi.html. Pop Art
- ↑ Gopnik A. & Varnedoe K. 1990. High & low: modern art & popular culture. New York: Museum of Modern Art.
Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.