Jump to content

Parkeisenbahn Auensee

Dhyworth Wikipedya, an godhoniador rydh
Tren ow kortos orth an Gorsav Auensee (Bahnhof Auensee).

An Parkeisenbahn Auensee (Hyns-horn Park Auensee), keffrys aswonnys avel an Leipziger Parkeisenbahn (Hyns-horn Park Leipzig), yw hyns-horn 15 meusva (381 mm) geyj yn Leipzig yn Almayn a bon yn kres a 1.18 mildir (1.9 km) yn kever an lynn Auensee.

Ygerys veu an hyns-horn yn mis Est 1951 hag ev o Hyns-horn an Ragresoryon (Pioniereisenbahn) y'n Republik Demokratek Almayn bys dhe'n dasunyans Almaynek yn 1990. Oberys yw ev dre vras gans fleghes ha yonkyoryon. Oberador kompani an Hyns-horn Park Leipzig yw der Verein Parkeisenbahn Auensee (Kowethas an Hyns-horn Park Auensee).

Istori[golegi | pennfenten]

An jynn 03 002 yn krow an hyns-horn.

Hyns-horn an Ragresoryon Leipzig veu ygerys war an 5ves mis Est 1951 avel an nessa hyns-horn 15 meusva (381 mm) geyj y'n RDA. Yth esa peswar kocha hag unn lokomotyv-ethenn dhe'n hyns-horn dhe'n pols na. Byldyes veu an re ma gans an Ausstellerfirma Brangsch (diwettha an Firma VEB Baugerätehof Leipzig)

Yn 1988 an Reichsbahnausbesserungswerk Dresden a vyldyas eth kocha nowyth hag unn kocha gwara, esa devnydhyes dhe dhinythi gwaskedh ayr ha power tredanek rag an jynnow-ethenn. Res o dhe'n hyns-horn efani y hensi-gwitha rag dhe ostya an kochys ma. Dew an peswar kocha gwreydhek veu skrappyes hag an dew erel eth dhe'n Hyns-horn Park yn Dresden. Eno, i veu eylvyldyes avel kert-plat ha kert-jynnweyth.

Yn 1995 an hyns-horn a recevas lokomotyv tredanek eyljarjadow, a veu byldyes a-dhyworth hen lokomotyv disel an Waldeisenbahn Muskau (Hyns-horn Koswik Muskau).

Kerri an Hyns-horn[golegi | pennfenten]

Yma an lokomotyv-ethenn 03 002, lokomotyv batri-tredanek, eth kocha trethysi hag unn kocha-dithyni rag an jynn-ethenn dhe'n hyns-horn.

Tren penn-bloodh 90ves an lokomotyv 03 002.

Jynn-ethenn 03 002[golegi | pennfenten]

An lokomotyv-ethhen 03 002 (002 y'n dalleth ha 03 215 diwettha) veu byldyes yn 1925 gans an kompani Krauss-Maffei. Niver y vyldyans o 8352. An jynn veu displetyes yn lower a dhiskwedhyansow, ow komprehendya yn Dresden. Dres Nessa Bell an Bys an jynn veu gwithys yn mengleudh koth yn Kamenz gans nebes kochys ha'n lokomotyvyow 001-Lisa ha 003-Moritz a bon war an Hyns-horn Park Dresden y'n jydh hedhyw.

An jynn re bonyas yn leipzig a-dhia fondyans an Hyns-horn Park ena ha re beu war dri keschanjyow lok yn Dresden yn 2003, 2010 ha 2015. An jynn veu eylvyldyes yn 1965 dhe vires avel jynn an Baureihe 03, ytho veu an kachyor-bugh removyes ha bomellow addyes dhodho.

Yma frosow-ayr ha fros-dorn dhe'n lokomotyv 03 002.

Byldyes yn 1925
Gwrier Krauss & Co. AG München
Aray an Rosow 4-6-2 (2´C1´) (Hebask)
Hys dres an junyans 7430 mm (ow komprehendya tender)
Posow Oberi 8.1 ton (ow komprehendya tender)
Gwaskedh Oberi 13 bar (188.5 psi)
Power 22 kW
Skavder 30 km/o (18.6 milder yn our)
Frosow Frosow-ayr & Fros-dorn (tender)
Jynn batri-tredanek an Hyns-horn Park Leipzig.

Lokomotyv Tredanek Eyljarjadow[golegi | pennfenten]

Yma jynn bateri-tredanek dhe'n Hyns-horn Park Leipzig ynwedh veu byldyes yn 1995 a-dhyworth jynn-disel koth an Hyns-horn Koswik Muskau. Yma frosow-ayr dhe'n jynn ma avel an jynn-ethenn.

Byldyes yn Eylvyldyes 1995 (1958)
Gwrier Deutsche Bahn AG, Gwerthji Halle/Saale.
Aray an Rosow 0-4-0 (B)
Hys dres an junyans 3080 mm
Posow Oberi 3.85 ton
Voltedh Oberi 80 V
Power 8 kW
Skavder 16 km/o (10 milder yn our)
Frosow Frosow-ayr & Fros-dorn & Frosow-Tennvenek

Kevrennow[golegi | pennfenten]