Nolwenn Leroy

Dhyworth Wikipedya, an godhoniador rydh
Jump to navigation Jump to search
Nolwenn Leroy

Nolwenn Leroy (genys 28 mis Gwynngala 1982 yn Lokournan, Breten Vian) yw kanores ha skrifores a Vreten Vian, a veu diskudhys der an dowlen pellwolok Frenkek Star Academy. Geryes da yw rag hy diw gan niver-onan "Casse!" ha "Nolwenn Owho!"

Bewnans[chanjya | pennfenten]

Pan o hi peswar bloodh, hy herens a gasas Lokournan gensi hi. Wosa bos trigys yn Paris, Lille ha Gwengamp, hi, hy mamm hag hy hwor yowynkka a veu trigys war-barth ha'y herens wynn yn Saint-Yorre. Hy mamm a dhidhemedhas tas Leroy, gwarier pel-droos galwesek Jean-Luc Le Magueresse, yn 1992.

Hi a studhyas orth an "Collège des Célestins" yn Vichy. Pan o 11 bloodh, hy dyskador a welas hy ro rag ilow, hag hy henertha dhe dhyski gwari an fyll. Pan o 13 bloodh, hi a waynyas "Les écoles du désert", kesstrif a veu skoodhys gans an bagas gorvarghas Cora, hag a viajyas dhe Vali gans kanasedh dengerensedhek a Gao dhe Dimbuktu. Yma leverys gensi hemma dh'y awedhya yn town.

Yn mis Gortheren 1998, y feu ros dhedhi skolorieth gans Rotary Club Vichy may halla studhya yn Cincinnati, Ohio avel studhyores geschanj. Ha hi ena, hi a gemeri klassys ilow orth an skol artys gwari yn Hamilton High School. Wosa dehweles dhe Frynk, hag ow kowsel Sowsnek freth, hi a dhallathas mos dhe glassys kana klassek orth losowji ilow Vichy. A-dhia 2001 hi a studhyas an lagha orth Universita Clermont Ferrand, rag resekva aral kudh yn le ilow.

Star Academy[chanjya | pennfenten]

Wosa gweles kensa dyllans Star Academy yn 2001, Leroy a veu kemerys yn fras gans onan a varnoryon an gwari, Armande Altaï, hag a erviras dhe studhya yn klass kana Altaï. Yn 2002, wosa ombrofya ha bos dewisyes rag nessa seson an gwari, an bobel a votas rygdhi dhe waynya an kesstrif yn le gorfennor aral, Houcine.

Resekva ilow[chanjya | pennfenten]

Nolwenn Leroy (2003)[chanjya | pennfenten]

Kensa kuntel Leroy, Nolwenn, a veu dyllys yn mis Meurth 2003 hag y feu moy es 400,000 kopi gwerthys erbynn mis Du an vledhen na. Yn 2006, Universal Music a wolennas bos moy es 900,000 kopi gwerthys, mes nyns eus destans sodhogel a hemma gwrys gans an Syndicat national de l'édition phonographique. Peder kan a'n kuntel - "Cassé", "Une Femme cachée", "Suivre une étoile" hag "Inévitablement", a veu dyllys avel kanow unnik. A-dhia mis Kevardhu 2003, kanow a'n kuntel a veu performys war dro Leroy a Frynk, Pow Belg ha Swistir.

Histoires Naturelles (2005)[chanjya | pennfenten]

Nessa kuntel Leroy, Histoires Naturelles, a veu askorras gans Laurent Voulzy. Pymp kan unnik a'n cuntel a veu dyllys. "Nolwenn Ohwo!", skrifys gans Alain Souchon ha Voulzy, eth dhe benn chartys ilow Frynk. An nessa kan unnik o an hyns titel, "Histoire Naturelle". Videos ilow a veu gwrys dhe'n dhiw gan; an video dhe "Histoire Naturelle" a venegas thema chyf an kuntel, ynno Leroy portrayes avel taklow diskwedhys yn gwithti a istori naturek. Yn mysk an dyllansow erel, "Mon Ange" a veu dyllys yn fesyel, ha "J'aimais tant l'aimer" ha "Reste Encore" o dhe bromovya yn unnik. Kanow a Histoires Naturelles ha Nolwenn a veu performys war nessa tro Leroy henwys "Histoires Naturelles Tour", a dhallathas yn mis Gwynngala 2006. Kensa kuntel byw Leroy a veu dyllys yn mis Hedra 2007.

Le Cheshire Cat & Moi (2009)[chanjya | pennfenten]

Le Cheshire Cat & Moi a veu towl a dhallathas yn 2007, skrifys gans Leroy and Teitur Lassen, gans kevrohow dhyworth Jonatha Brooke, Michelle Featherstone, Mike Errico ha Rupert Hine. Ev a veu arayys hag askorrys gans Lassen, ha rekordys yn Sweden ha'n Enesow Faroe. Notyes veu bos tavans moy akoustek dhodho dell eus dhe Histoires Naturelles, hag ev a ros dhe Leroy an chons dhe skrifa an geryow rag an kensa termyn. An kuntel a veu dyllys yn mis Kevardhu 2009. Tro henwys "Le Cheshire Cat & Vous" rag promovya an hyns a veu synsys yn 2010.

Bretonne (2010)[chanjya | pennfenten]

Leroy a dhellos peswara kuntel studio, henwys Bretonne, an 6 mis Kevardhu 2010. Yma dhe'n kuntel versyons kudha a ganow hengovek Keltek, kepar ha "Tri Martolod", "Bro Gozh va Zadoù" ha "Mná na h-Éireann", keffrys ha kanow arnowydh kepar ha "Brest" gans Christophe Miossec. Brassa rann an hensyow yw kevrennys dhe enysva an ganores, Breten Vian. An kuntel a veu orth penn chartys kuntellow Frynk pymp seythen wosa y dhyllans.

Rol a blasennow[chanjya | pennfenten]

Kuntellow[chanjya | pennfenten]

Bledhen Titel Renk y'n chartys[1][2]
FR BEL SWI
2003 Nolwenn 1 1 2
2005 Histoires Naturelles 3 7 44
2009 Le Cheshire Cat et Moi 26 32 -
2010 Bretonne 1 2 20

Kanow[chanjya | pennfenten]

Bledhen Titel Renk y'n chartys[3] Kuntel
FR BEL SWI
2003 "Cassé" 1 1 4 Nolwenn
"Une Femme Cachée" 40 23 78
"Suivre Une Etoile" 12 24 44
2004 "Inévitablement" 31 26 -
2006 "Nolwenn Ohwo!" 1 3 29 Histoires Naturelles
"Histoire Naturelle" 30 39 -
"Mon Ange" 14* 6* -
2007 "J'aimais Tant L'Aimer" - - -
"Reste Encore" - - -
2009 "Faut-il, Faut-il Pas ?" - 6* - Le Cheshire Cat et Moi
2010 "Suite Sudarmoricaine" - 26* - Bretonne
"La Jument de Michao" 34* 13 -
"Tri Martolod" 48* 29 -

* Chartys iskarga Frynk[4] hag Ultratip Pow Belg [5]

Radyo gwias[chanjya | pennfenten]

Devynnow[chanjya | pennfenten]

Kevrennow a-ves[chanjya | pennfenten]