Gweles an bennfenten rag Niger (avon)

{{Tyller| fetchwikidata=ALL | onlysourced=no| suppressfields= }}

'''An Dowr Niger''' yw an avon hirra yn [[Afrika]] West gans hys a voy es 4180 km (2500 mildir). Hy shap yw krommen, ow resek dhe'n north-est dhyworth [[Gyni]] dre [[Mali]] ha [[Pow Nijer]], hag en dhe'n soth-est dre [[Nijeri]]. Hy a dhrehedh an [[Keynvor Iwerydh]] avel delta meur ryb Morblek Gyni. Dowr Niger yw an tressa avon hirra yn Afrika (wosa an [[Nil]] ha [[Kongo (avon)|Kongo]]). An [[ragavon]] posekka yw an Benue.  

===Gerdardhyans===
Nyns eus denvyth a wor dhyworth ple teuth an hanow Niger. Nyns eus dustuni ev dhe dhos dhyworth an ger [[Latin]] rag "du", niger, ha gwirhaval yw del wrussa hwithroryon tiryow a [[Portyngal|Bortyngal]] usya an ger "negro", yn neb kas. Ynwedh, nyns yw an Niger avon gans [[dowr]] 'du' avel an Rio Negro yn Amerika Dhyghow. Ytho an brassa rann a dus a breder an hanow dhe dhos pobel wreydhek an pow may fe usys an hanow "Quorra" war vappys . Possybylta yw an lavar Tuareg ''gher n gheren'', berrheys dhe 'ngher' po "niger", rag rann an avon ogas dhe Timbuktu. 

Nigeri ha Niger a gemmer aga henwyn dhyworth an avon. An bobel a drig ryb an avon a's teves lies hanow rygdhi, kepar ha Jeliba ("avon vras" y'n yeth Manding), Isa ber ("avon vras" yn Songhay), Oya (duwies an avon dhe'n dus Yoruba) ha Kworra po Quorra

===Doronieth===
Dowr an avon yw kler gans saw 10% kemmys a wodhes avel an Dowr Nil. Hemm yw drefen bos [[Pennfenten (tirfurv avon)|pennfenten]] an Niger desedhys war [[Karrek|garrygi]] pur goth ma nag yw meur a wodhes. Kepar ha'n Nil, an Niger a brev liv bledhynnyek yntra mis Gwynngala ha mis Me.  

Gnas koynt a'n avon yw delta yn pervedh an pow. Hemm a furv le mayth yw an avon le serth a-dhesempis. Ytho furvyes yw ranndir a goveryow junys, korsow ha lynnyn an keth arenebedh avel [[Pow Belg]]. Da yw an liv bledhynnyek rag pyskessa hag [[ammeth]].
[[Restren:Niger, Boubon (16), scene at the river front.jpg|skeusennik|Skathow war lann an Niger]]
{{Posek 1,000}}

[[Klass:Afrika]]
[[Klass:Avonyow]]