Gweles an bennfenten rag Nicolaus Kopernikus

{{Den | fetchwikidata=ALL | onlysourced=no | suppressfields= }}


'''Nicolaus Kopernikus''' (19 Hwevrer [[1473]] – 24 Me [[1543]]) o [[Steronieth|steronydh]] polonek. Kopernikus yw a vri rag y dybyansow howlgresennek a-dro dhe'n [[Howl]] ha Dor. Ev a leveris bos an Howl yn kres an [[System howlek|Kevreyth Howlek]] ha'n [[planet]]tys ynno. Dyllys veu an tybyans yn y lyver ''De revolutionibus orbium coelestium'' (A-dro dhe resegvaow an pelyow nevek) y'n keth bledhen ha'y vernans. 


Genys veu Kopernikus yn 1473 yn cita Toruń yn ranndir Prussia yn [[Poloni]]. Yth esa an ranndir ow kewsel [[Almaynek]] kyn feu rewlys gans an myghtern polonek y'n termyn na. Ev o mab gwikor Niklas Koppernigk ha'y wreg Barbara Koppernigk (genys Barbara Watzenrode). Y yeth deythyek o Almaynek. Adhyskys veu yn kynsa yn Cracow hag ena yn [[Itali]], le may gradhyas avel laghyas an eglos. Ev a studhyas medhegieth ynwedh rag servya y gesklorygyon. Copernicus a spenas an brassa rann a'y vewnans owth oberi ha hwithra yn Frombork may merwis yn 1543.

Copernicus o onan a'n liesroasogyon meur a'y oos. Ev o pronter, [[awgrym]]er, steronydh, sterdhewinydh, rethor, medhek, studhyer klassek, governer, menystrer, lyskannas, erbysydh ha souder. Dres an oberennow oll, steronieth o hobi dhodho. Mes y dybyans a howlgresenieth yw onan a'n posekka tybyansow yn istori. Hemm o dalleth steronieth arnowydh, kyn eth erbynn dyskasow an [[Eglos Katholik Romanek|Eglos Katholik]]. Synsys veu [[Galileo Galilei|Galileo]] avel prisner yn y jy rag sewya dyskansow Kopernikus.

Henwys yw an elven [[Koperniciom]], Copernicia (kinda a balmwydh), lorell ughviolet an [[Statys Unys]], steren yn ranneves [[Cancer (ranneves)|Cancer]] (55CancriA) gans hy hevreyth a blanettys hy honan, ha kowdell war an [[Loor]] ha [[Meurth (planet)|Meurth]] rag enora Kopernikus.

<gallery>
GSI,_Darmstadt,_Juli_2015_(4).JPG|skeusennik|250px|Gwrys veu Koperniciom yn Arbrovji GSI yn Darmstadt, [[Almayn]] rag an kynsa termyn yn 1996
CopernicusHouse.jpg|skeusennik|250px|Tyller dinythyans Kopernikus yn Toruń. Gwithti Kopernikus yw lemmmyn (''Muzeum Mikołaja Kopernika'')
Copernicus-an-Herzog-Albrecht.png|skeusennik|250px|Lyther dhyworth Kopernikus dhe Duk Albert a Prussia, ow ri kussul medheginiethel
OAO-3_in_the_clean_room.jpg|skeusennik|250px|Lorell pellweller ughviolet Copernicus (1972-81)
55CncInnerOrbits.svg|skeusennik|250px|Kevreyth Sterennek 55 Cancri A ha'y flanettys
Copernicus_(LRO)_2.png|skeusennik|250px|Kowdoll Copernicus war an Loor
Wikicopernicusdevils.jpg|skeusennik|250px|Lerghow gwynsow ponn a-dro y'n kowdoll Copernicus war an planet Meurth
Copernicia_baileyana_5zz.jpg|skeusennik|250px|Onan a'n palmwydh yn kinda Copernicia
</gallery>

[[Klass:Almanyon]]
[[Klass:Dinethyansow 1473]]
[[Klass:Filosofers]]
[[Klass:Godhonydhyon]]
[[Klass:Mernansow 1543]]
[[Klass:Polakyon]]
[[Klass:Sens]]
[[Klass:Skriforyon yn Latin]]