Na h-Òganaich
Furvys veu an bagas musek rock gwerin Godhalek a Glasgow Na h-Òganaich ('an yonkers' en Godhalek) a-varr en 1971, woja keskans en Dunoon. Nena Margaret MacLeod (kaner gen medalen owr an Mod) a omvetyas gitarydh Noel Eadie. Margaret a wrug mencyon dhe ev bos hy broder (Donnie MacLeod) ow tyski gitar, etho ervirys veu gen anjei furvya tryas rag kestrifa e'n Mod Kenedhlek Riel.
Koweth a Enys Lewis, Donnie MacLean, a gomendyas rekordyansow Murdo Macfarlane dhe anjei. Prydydh a Melbost o Macfarlane, bes na veu y ganow aswonnys veth oll. Da o gen anjei gwreydhekter y ganow, etho an tryas eth dhe'n Mod en Stirling en Mis Hedra 1971. Nena anjei a waynyas an kesstrif bagasow gwerin.
En 1972 anjei a berformyas onan a ganow Murdo (Mi le m' Uillinn) en Killarney, Wordhen ha gwaynya an Kesstrif Kanow Pan-Keltek. Woja hedna, anjei a wrug keskanow dre'n Bys Keltek, en Pow an Sowson, Kanada a Breten Vyghan. Ynter 1972 ha 1975 =an bagas a wrug rekordya tri huntellyans rag label Beltona Sword, radn a Decca Records.
En 1976 govydnys veu Na h-Òganaich dhe wul torn a'n Statys Unys, bes yNoel a oberi avel arethor kolji. Margaret ha Donnie eth hebdho etho, ow performya avel duo, ha woja anjei dhe dhehweles dhe'n RU, anjei a wrug pesya performya e'n keth maner, gen musicianers skoodhya.
Ema dhe'n bagas gwreydhek dasformyes terweythyow, en arbednik en Fèis nan Còisir en Stornoway hag en Celtic Connections en Glasgow (2007). Ema Margaret ow kana en galwesik gen an musicianer akordyon Billy Anderson. Donnie MacLeod a dheuth ha bos presentyor war dowlen bellwolok Godhalek rag fleghes Dotaman war BBC Scotland. Trigys ew Noel war Enys Lewis a-dhia 1978, owth oberi pekara dyskador.
Dyllansow Kuntellyans
[golegi | pennfenten]| Bledhen | Hanow | Label | Furv | Yeth |
|---|---|---|---|---|
| 1973 | The Great Gaelic Sound of Na h'Oganaich | Beltona Sword | vinyl | Godhalek |
| 1974 | Gael Force 3 | Beltona Sword | vinyl | Godhalek, Sowsnek |
| 1975 | Scot Free | Beltona Sword | vinyl | Godhalek, Sowsnek |
| 2009 | Gun Stad | Macmeanmna | vinyl, cidi | Godhalek |
Kanow
[golegi | pennfenten]Ma an erthygel ma usya an Furv Skrifys Savonek a-barth Kernowek diwedhes.