Mosk Omar (Bethlem)
 | |
| Sort |
mosk  |
|---|---|
| Henwys dhyworth |
Umar |
| Fondys |
1860 |
| Doronieth | |
| Konteth |
Bethlem |
| Gwlas |
Palestin |
| Kesordnogyon |
31.70446°N 35.2055°E |
 | |
Mosk Omar (Arabekمسجد عمر Masjid Umar) yw an unnik mosk yn cita goth Bethlem, Palestin. Desedhys yw war du west a Wari Presep, a-dreus an Gwari dhyworth Eglos an Nadelek.
Istori[golegi | pennfenten]
Oos Islamek a-varr[golegi | pennfenten]
Henwys yw an mosk dhyworth Omar (Umar) ibn al-Khattab (c. 581–644), nessa caliph (rewlyas) Rashidun. Wosa omsettyans Jerusalem (636–637 OK) Omar a dryghas an cita ha mos dhe Vethlem yn 637 OK dhe dhyllo lagha dell wrussa mewghya revrons dhe'n grerva ha sawder dhe Gristonyon ha klogoryon. Peder bledhen hepken wosa mernans an profos Islamek, Muhammad, Omar a bysis yn tyller le mayth yw an mosk lemmyn.
Yaqut al-Hamawi (m. 1229) a lever fatell gemeras Caliph Omar kussul dhyworth managh Kristyon dhe dhrehevel mosk yn drehevyans gans rosvaow po haniyya, a-der chanjya Eglos an Nadelek dhe vos mosk. Tyller an haniyya herwydh Yaqut yw may feu ynkleudhys myghternedh an Bibel, Davyth ha Selevan. Y'n 10ves kansvledhen a-varr Eutychius a Alexandria (877–940) a dheskrif dell yw an haniyya desedhys a-ji tyller Kristyon, owth enebi an soth, hag ytho gwiw dhe bysadow Moslem (qibla), hag a gampoll dell alowas Omar Moslemyon dhe bysi y'n haniyya an eyl wosa y gila heb tochya tra vyth. Eutychius a grodhvolas dell dorras Moslemyon an rewl na. Byttegyns, dres an bledhynnyow, an tyller eth ha bos mosk.
Mosk arnowydh yn tyller nowydh (1860)[golegi | pennfenten]
An mosk a-lemmyn a veu drehevys yn 1860 war splatt res dhe'n acheson gans an eglos ewngryjyk grek, hag arnowytthes yn 1955, pan esa Jordan ow rewlya an cita. Y'n termyn eus passyes, kemmyn o dhe Voslemyon ha Kristonyon palestinek yn Bethlem dhe brofya olew rag enowi a-der dro'n mosk, dustuni a gesoberyans kryjyk y'n cita.
Tynderow (2000ow)[golegi | pennfenten]
An 20ves a vis Hwevrer, 2006, an Dalai Lama a lettyas y vysyt dhe'n mosk, yn-dann waskas gans governans China dhe'n Awtorita Kenedhelek Palestinek. Yn mis Hwevrer 2007, maynorieth diogeledh Ysrael (Shin Bet) a dhalghennas 20 a dus a veu lystys yn kuhudhys rag bagas Hamas gans klorek Moslem yn Mosk Omar. Byttegyns, an mosk a veu hebask pan vysytyas Lewydh palestinek Mahmoud Abbas an jydh kyns Nadelek, 2007.