Mary Anderson (deviser)
| Mary Anderson | |
|---|---|
 | |
| Genys |
19 Hwevrer 1866  Greene County |
| Mernans |
27 Metheven 1953 Monteagle |
| Kenedhlogeth |
Statys Unys |
| Galwesigeth |
deviser |
| Pewasow |
National Inventors Hall of Fame |
Mary Elizabeth Anderson (19ves Hwevrer, 1866 – 27ves Gortheren, 1953) o displegyer kerth, tiek, gonisyas gwin ha deviser lown disegher skewwyns. An degves mis Du, 1903 Anderson a waynyas hy hynsa patent rag devis awtomatek golghi fenestri karr hag yw maystrys a-dhyworth a-bervedh an karr, henwys an disegher skewwyns.
Bewnans a-varr[golegi | pennfenten]
Genys veu Mary Anderson yn Greene County, Alabama, orth dalleth an oos Dasformyans yn 1866. Yn 1889 hi a vovyas chi gans hy mamm wedhow ha hy hwor dhe Birmingham, Alabama.
Yn Birmingham, hi a dhrehevyas Fairmont Apartments dhe Highland Avenue yn skon wosa movya chi. Erbynn 1893, Mary Anderson a vovyas chi arta dhe Fresno, Kaliforni bys yn 1898 le may oberi hi amethva vughes ha gwinlan.
An disegher skewwyns[golegi | pennfenten]
Dres godrik dhe Evrek Nowydh yn gwav 1903, yn tramgarr dydh oor, Anderson a notyas y wrug lewyer tramgarr gwynnel dhe weles dres an fenestri awos an erghlaw. Pan wrug hi dehweles dhe Alabama hi a arvethas desiner rag devis oberys gans leuv dhe glerhe skewwyns. Hi a wrug dhe gompani leel askorra patron oberi. Yn 1903, hi a wrug ombrofya rag, hag a veu grontys, patent 17 bledhen rag an disegher.
Hy devis o kolpes a-bervedh an karr a wra maystri lown glus gwedhyn war-ves an skewwyns. An kolpes a yll bos oberys dhe vovya bregh gergys gans springa a-dreus an skewwyns war-lergh hag yn-rag. Gorthpos o usys dhe surhe kestav ynter an disegher ha'n fenester. Devisyow haval dhe hemma re beu gwrys kyns, mes an huni Anderson o an kynsa dhe vos effeythadow.
Yma'n erthygel ma owth usya an Furv Skrifys Savonek a-barth Kernowek kres.