Marsha P. Johnson

Dhyworth Wikipedya, an godhoniador rydh
Marsha P. Johnson
Genys 24 Est 1945 Edit this on Wikidata
Elizabeth Edit this on Wikidata
Mernans 6 Gortheren 1992 Edit this on Wikidata
Evrek Nowydh Edit this on Wikidata
Kenedhlogeth Statys Unys Edit this on Wikidata
Alma mater
  • Thomas A. Edison Academy for Career and Technical Education Edit this on Wikidata
Galwesigeth artydh, gweythreser LKDT+, HIV/AIDS activist, trans activist, arlodhes kadys Edit this on Wikidata
Pewasow VH1 Trailblazer Honors Edit this on Wikidata
Eseleth Gay Liberation Front Edit this on Wikidata

Marsha P. Johnson (24a Est, 1945 – 6ves Gortheren, 1992) o gweythresor Amerikanek rag gwiryow kethreydhel ha treusenedhel. Aswonnys yw y'n brassa rann rag kemeres rann y'n gostlow Stonewall yn 1969. Esel fondya Gay Liberation Front o Johnson ha kesfondya bagas kennerth S.T.A.R. (Street Transvestite Action Revolutionaries) gans Sylvia Rivera. A 1987 dhe 1992, Johnson o gweythresor Syndrom Immunodifyk Akwirys gans ACT UP.

Genys veu yn Elizabeth, Jersi Nowydh. Johnson a dhallathas gwiska powsow orth pymp bloodh, mes hi a hedhas wosa gormesi a vebyon y'n gentreveth. Ny wrug hi degemeres hy bos kethreydhel bys yn 17 bloodh.

Wosa dos ha bos ygor, Johnson a dhallathas oberi avel arlodhes kadys. Hi a dhewisis an hanow kadys "Marsha P. Johnson". Johnson wosa an bosti Howard Johnson's hag an P a styr, yn Sowsnek, "pay it no mind" (KW: ny vern), lavar a wre hy usya a-dro dhe'y gynedh. Hi a leveris hy dhe vos kethreydhel, treus-gwiskor hag arlodhes kadys yn heschanjadow. Ny wrug hi hy henwel avel treusynedhek, mes nyns o an ger na usys yn termyn na.

An gostlow Stonewall o kevres a wostlow yn Evrek Nowydh yn 1969. An gostlow a hwyris wosa an kreslu dhe omsettya an Stonewall Inn, diwotti kwir yn Greenwich Village. Y leverir bos Johnson onan a'n kynsa dhe dhalleth gostla erbynn an kreslu.

Pan dheuth hi dhe Evrek Nowydh yn kynsa le, Johnson a dheuth ha bos oberer reydh rag dendil bewnans ha hi a veu dalghennys lies gweyth awos hemma. Hi a veu kevys marow wosa kerdh gooth Evrek Nowydh 1992. Hy horf a veu kevys yn Avon Hudson wosa omladh gas den a wrug bostya wosa henna a-dro dhe ladha arlodhes kadys henwys "Marsha". Ny wrug an kreslu dalghenna den vyth. Y leverir ny vynnens i hwithra hy mernans awos hy bos arlodhes kadys hag oberer reydh.

Yma'n erthygel ma owth usya an Furv Skrifys Savonek a-barth Kernowek kres.