Manakish
 | |
| Klass |
Bara leven, sand  |
|---|---|
| Gwlas |
Lebanon |
 Restrennow kelmys war Gemmyn Wikimedia | |
Manakish (Arabek مناقيش manāqīsh), po en y furv unplek man'ousheh, henwys terweythyow فَطَايِر (faṭāyir), ew boos meurgerys a'n Levant a gonsist a doos gen tim, keus po brewgik war bedn. Haval dhe bitsa, anjei a ell bos trehys po plegys, ha dyghtys enjei rag hansel po li. An ger manaqish ew an liesplek a'n ger Arabek manqūshah (dhort an verb naqasha 'gravya po kervya'), gen an styr dell ew gweskys an toos rag gul pansow munys lebma thew settys an kappa woja rolya an toos rag bos gwastas.
En hengovek, Thera benenes dhe bobys toos en forn kebmyn mettinweyth rag brovia bara dedhyek an teylu, ha kettermyn pareusi mynsow le a doos gen kappys dyffrans rag hansel.
Meurgerys ew manakish e'n Levant oll, ha kevys enjei en powyow en ogas ha tiredhow ma tho omdhivroansow Levantin.
Kappys klassek
[golegi | pennfenten]- Za'atar (Arabek زَعْتَر zaʿtar, ow styrya 'tim'). An furv moyha gerys-da a wra devnydh a za'atar (tim, organs (oregano) hag organs an wreg (marjoram) seghys war an nor kemyskys gen has sesame kresys ha holan) avel kappa. Kemyskys ew an za'atar gen olew ha lesys ew war an toos kens pobas e'n forn. Za'atar manakish ew hansel drudh en boos an Levant. Dyghtys ew ewedh avel radn a mezze, po avel kon gen gwedren a de menta ha keus feta war denewen.
- Keus (Arabek جُبْنَة jubna). Usys ew dew chif sort a geus war vanakish: akkawi (Arabek عَكَّاوي akkāwī) ha kashkaval (Arabek قَشْقَوَان qašqawān). Usys ew treja keus, sfatit (Ebrow: צפתית) saw en Ysrael. Keworrys ew za'atar dhe manakish keus terweythyow rag y vlas.
- Lahmacun po brewgik on (Arabek لحم بعجين lāḥm bi-‘ajīn (kig ha toos)) henwys ewedh sfiha. Debrys ew manakish ha kappa a vrewgik on rag li dell ew usys. Kemyskys ew an kig on gen tebmigow a domatos munys hag olew. Dyghtys ew gen puber po pyckels ha yogort.
- Chili (Arabek فليفلة po فلفل حر).
- Kashk (Arabek كشك). An boos meurgerys ma a Iran ew kemyskans a yogort ha gwaneth melyes usys war y honan po gen kappys erel, pekar ha know Frynk po onyon lesys war an bara.
- Spinach (Arabek سبانخ sabāniḵ)
Ma an erthygel ma usya an Furv Skrifys Savonek a-barth Kernowek diwedhes.