Mažeikiai

Dhyworth Wikipedya, an godhoniador rydh
Jump to navigation Jump to search
Mažeikiai
LietuvaMazeikiai.png

Mažeikiai (yeth Samogitek: Mažeikē) About this soundLeveryans yw cita yn Lithouani, an ethves moyha y’n wlas. Desedhys yw war lannow Dowr Venta. Yn 2020, poblans an sita o 32,470.

Istori[golegi | pennfenten]

Hanow an cita a dheu dhyworth person. Kampollys veu an tyller y’n kynsa prys yn 1335, pan skrifas kovadher an Urdh Livonek a-dro dhe dhistruyans tiryow an Duk Mažeika. Wosa drehevyans an hyns horn ynter Vilnius ha Liepāja, poblans an tyller a ynkressyas yn skon. Yn 1893 yth esa 13 gwerthji ha 5 tavern dhe’n drev. Yn kettermyn, drehevys veu eglos ewngryjyk ha synaga, gans eglosyow Katholik ha Protestant ow sewya kyns 1906.

Ynter 1919, bledhen anserghogeth Lithuani, ha 1921, yth esa kedrynn Lithuani ha Latvi a-dro dhe’n or. Ervirys veu gans desedhek keswlasek bos Mažeikiai rann a Lithouani. An cita a veu fondys yn 1924 pan res veu reythyow cita dhodho. Yn 1940 sesys veu gans an Unyans Sovietek, ha’n nessa bledhen gan Almayn. Yn mis Est 1941, ledhys veu 4,000 a Yedhewon y’n cita gans soudoryon almaynek.


Erbysieth[golegi | pennfenten]

Yn 1980 ygerys veu purva oyl “Mažeikių Nafta”. Hemm yw an unnik purva oyl y’n Gwlasow Baltik. Yn 1999 yn gorthargyadow privedhhes veu an weythva dhe gowethyans amerikanek, Williams International. I a’s werthas dhe Yukos, kowethyans russek, hag wosa aga skattyans yn 2006, prenys veu gans PKN Orlen, kowethyans polonek. An burva a argerdh 8 milvil tunnas a oyl kriv pub bledhen. 1,400 a dus a ober y’n weythva, ha rent an kowethans yw 5.5 bilvil Euro an vledhen.

Gwrys veu nebes gweythva skatt y’n drev wosa anserghogeth war dhalleth an 1990ow, mes negysyow erel a sewennas y’n erbysieth marghas. Kowethyansow erel yn Mažeikiai a gomprehend kowethyans darasow (Fauga), mebel (Mažeikių lyra), askorrasow drehevel (UAB Mažeikių betonas), dehen rew (Ingman ledai), ha leti (Mažeikių pieninė).

Gonisogeth[golegi | pennfenten]

Yma gwariva ha gwithti yn Mažeikiai. An para pel ganstel a wari yn kesunyans NKL (nessa kesunyans Lithouani). Yma dew baper nowydh leel, Santarvė (Kessenyans) ha Būdas žemaičių (An Fordh Samogitek).


Adhyskans[golegi | pennfenten]

Yma dhe’n drev

  • skol ilow
  • skol artys
  • diw skol ramer (gimnazija), (Mažeikių Merkelio Račkausko ha Mažeikių Gabijos)
  • teyr nessa skol, ha
  • teyr skol gynsa

Gevel-drevow[golegi | pennfenten]

Gevellys yw Mažeikiai gans

  • Y Weriniaeth Tsiec Havířov, Repoblek Chek
  • Belarws Navapolatsk, Belarus
  • Wcrain Lebedyn, Ukrayn
  • Awstria Liezen, Ostri
  • Estonia Paide, Estoni
  • Gwlad Pwyl Płock, Poloni
  • Latfia Saldus, Latvi
  • Yr Almaen Stendal, Almayn

Steronieth[golegi | pennfenten]

  • Henwys veu Asteroyd 248839 Mazeikiai dhe enora an cita.

Gwiasva[golegi | pennfenten]