Livbryv

Livbryv Efander menhesennow: Triassek – lemmyn 220-0 Ma
Melaleuca
Klassans bewoniethek
Gwlaskor:	Animalia
Fylum:	Arthropoda
Klass:	Insecta
Urdh:	Hymenoptera
Is-urdh:	Symphyta Gerstaecker, 1867
Ughteyluyow
Anaxyeloidea Cephoidea †Karatavitoidea Orussoidea Pamphilioidea Siricoidea Tenthredinoidea Xiphydrioidea Xyeloidea

Livbreves yw hwesker ow longya dhe'n isurdh Symphyta ha'n urdh Hymenoptera. Livbreves yw bagas a hwesker a dheber plansow. Le arbennigys yns i ages an muryon, gwenen ha goghi.

Dihaval yns i dhyworth an brassa rann a Hymenoptera erel drefen an junyans ledan yntra'n torr ha'n thoraks, ha'ga larvae haval dhe breves del. Aga hanow a dheu dhyworth semlant an ovipositor kepar ha liv po hesken, usys gans an re benow dhe dreghi an plansow le may hwrellons dedhwi aga oyow. Poblansow meur a nebes eghennow a livbreves a yll kawsya damach erbysel dhe goswigow ha trevasow.

Rennys yw an Symphyta dhe naw ughdeylu (onan difeudhys) ha 25 teylu. An brassa rann anedha yw komprehendys y'n ughdeylu Tenthredinoidea, gans a-dro dhe 7,000 eghen a-dreus an bys. Tenthredinoidea a'n jeves hwegh teylu, gans Tenthredinidae an brassa (5,500 eghen).

Xyelidae

Xyelidae yw teylu byghan a livbreves, aswonnys a le ages 50 eghen vyw yn pymp kinda, gans kovadh efan a venhesennow. I yw an Hymenoptera kottha kevys avel menhesennow, ow tedhya dhe'n Amser Triassek, nans yw neb 200 milvil bledhen.

An brassa niver a eghennow a vyw yn Hanterkylgh an Ogledh, yn arbennik yn ranndiryow taiga, kyn fo nebes eghennow neotrovannel. Dell yw usys, kelmys yns i dhe sabwydh (yn arbennik Pinus, pinwydh ha Abies, sybwydh), may hwrello an larvae boosa war bonn, po a-ji dhe eginyow, mes preves nebes eghennow a voos war dhel gwydh kolldhel.

• 
  Tenthredo mesomela
• 
  Preves Nematus miliaris
• 
  Carl Eduard Adolph Gerstaecker, a restras taksonomieth an isurdh
• 
  Livbryv ow tedhwi oyow yn plans, owth usya an ovipositor shap liv
• 
  Rhadinoceraea micans, livbryv elestren, ow tiskwedhes damach dhe'n dhelen