Lamm Meur A-Rag
 | |
| Ensampel a |
kaskyrgh  |
|---|---|
| Gwrier |
Mao Zedong |
| Label teythyek |
大跃进 |
| Dallethys |
Hwevrer 1958 |
| Deuth dhe benn |
1962 |
| Synsys ynno/i |
Divotter Meur China |
 Restrennow kelmys war Gemmyn Wikimedia | |
An Lamm Meur A-Rag (Chinek - 大跃进 (Dàyuèjìn)) o towl dhe ynkressya erbysieth ha diwysyans China, devisys gans ledyer kemenegorek Mao Zedong yn 1958. Ev a worfennas yn 1961. Hanow aral dhodho o an Nessa Towl Pymp Bledhen. An Lamm Meur A-Rag a fyllis dri diwysyansegyans, ha'n divotter gwrys ganso a ladhas milvilyow a bobel. Re a breder y vos an divotter moyha yn istori.
Ammeth ha bargennyow tir
[golegi | pennfenten]Mao a gara China dhe allos askorra boos rag konsumyans a-bervedh hag esperthi: ynwedh ev a gara China dhe askorra meur a wara. Ev a dhallathas an Lamm Meur A-Rag rag gul hemma. Res veu nebes tus ri aga thir dhe'n wlas. Res o dhe lies den oberi war vargennyow tir dhe'n governyans, bargennyow tir gelwys kespennjiow amethel (agricultural co-operatives). Diwettha, kesunys veu kespennjiow dhe furvya bargennyow tir gans milyow a oberoryon. Erbynn 1958, 98% a oberwesyon amethel a lavuryas dhe gespennjiow.
Yn 1958, yth esa trevas da. Byttegyns, taklow a janjyas an nessa vledhen.
Tus a brederi bos plansa trevasow ogas warbarth pyth da. Byttegyns, hemm a lettyas nebes trevasow rag tevi mar dha, ow ledya dhe drevasow le yn 1959. Wosa henna, trevasow o gweth drefen na veu asnodhow usys yn ta. An studh ma a dhuryas bys dhe 1961.
Diwysyans
[golegi | pennfenten]An Towl Pymp Bledhen a restras towlen ober rag chanj yn China. Mao a vynnas China dhe askorra moy yn tiwysyansel ages Breten veur a-ji pymthek bledhen. Wosa henna, ev a verrheas an gosten dhe unn vledhen yn unnik. Tus a grodhvolas a-dro dhe henna a veu ledhys. Erbynn 1958, dres 550,000 a dus a veu ledhys drefen na wrussons akordya dhe'n governans.
Awos an governans dhe spen meur a arghans war dhiwysyans, kendon an wlas a veu ynkressys. Rag drehedhes kostennow askorrans, lies den a drehevyas fogow war aga thir hag assaya gul horn rag toulys. Byttegyns, ny veu hemma sewena vytholl. Lies tra dha a veu teudhys, rag aga threylya dhe daklow didhevnydh.
Divotter
[golegi | pennfenten]Ledyoryon rannvroek a gesstrifas an eyl dhe'y gila rag assaya askorra an moyha. Ankevys veu an bargennyow tir. Ledyoryon a wre leverel gowyow a-dro dhe vynsow an trevasow tevys. Erbynn 1959 an wlas a dhallathas difygya boos. Hemm o drefen China dhe wertha greun dhe wlasow erel. Eskorrans bargennyor tir eth yn-nans, ow kul taklow gweth. Difennys o tus rag gasa an ranndiryow le mayth ens i trigys. Drefen henna, ni yllens hwilas rag boos yn tylleryow erel. Yn nebes gwigow, kwarter po tressa rann a'n tus a verwis. Ni gavas mowysi ha tus goth boos lowr. Babanes ha'n pur goth o an kynsa dhe verwel.
Prederys yw dell verwis yntra 16.5 milvil ha 40 milvil a dus dre dhivotter.
Aswels
[golegi | pennfenten]An governans a assayas lettya an divotter dre dhilea arghadowyow rag teknologieth. Yn le henna, i a ynperthas boos dhe tus dhybri. Byttegyns, erbysieth China a besyas kodha wosa diwedh an Lamm Meur A-Rag. Skoodhyans oberoryon a lettyas, ha'n Unyans Sovietek a dennas y skoodhyans erbysek. . Mao a usyas an Domhwelans Gonisogethel dhe dhial war an re na blamys ganso rag kawsya an fall.
-
Fogow garth keyn rag gul horn -
Mao Zedong -
Kevradhow genesigethow ha mernansow ow tiskwedhes effeyth an Lamm Meur A-Rag -
Danvon sodhogyon dhe'n powdir
,_OWID.svg)
