Kough damawynn

Dhyworth Wikipedya, an godhoniador rydh
Kough damawynn
Kough damawynn
(Aquilegia egh.)
Klassans bewoniethek
Gwlaskor:
(anrenkys):
(anrenkys):
Eudicots
Urdh:
Ranunculales
Teylu:
Isteylu:
Thalictroideae
Kinda:
Aquilegia
Eghennow

60-70

Kough damawynn, Kembrek troed y golomen, Sowsnek granny's bonnet po columbine, hanow taksonomek Aquilegia yw genus a a-dro dhe 60-70 eghen a blansow pubvledhynnyek kevys yn prasow, kosow ha menydhyow a-dreus Hanterkylgh an Ogledh.

Hanow an genus Aquilegia a dheu dhyworth an ger Latin rag er (aquila), drefen shap petalys an vleujen (hevelep dhe ewin er. An hanow Sowsnek "columbine" a dheu dhyworth an Latin rag "kolom", drefen hevelepter an vleujen dhe bymp kolom war-barth pan yw an vleujen treylyes a-wartha-dhe-woles.

Usys yns avel boos gans preves del nebes Lepidoptera (tykkiow Duw ha godhones). Plansow y'n genus Aquilegia yw pennfenten boos posek rag Bombus hortorum, eghen a wenenen wyls. Pubvledhynnyek nerthek yw kough damawynn, hag a les gans has. Ev a dyv dhe ughelder a 40–50 cm. Ev a yll tevi yn tylleryow howlek, mes gwell yw ganso tylleryow rannel-skeusek ha gweresow deseghys yn ta. An eghen voyha kemmyn yn Breten Veur yw Aquilegia vulgaris - kough damawynn kemmyn.