Kigelia
| Kigelia | |
|---|---|
| |
| Kigelia africana Semlant, frut, bleujen ha has | |
| Klassans bewoniethek | |
| Gwlaskor: | |
| (anrenkys): | |
| (anrenkys): | Asterids
|
| Urdh: | Lamiales
|
| Teylu: | Bignoniaceae
|
| Kinda: | Kigelia
|
| Hanow dewhenwek | |
| Kigelia africana Bentham | |
Gwedhen drovadnek ew Kigelia, kevys dres Afrika trovadnek. Hanow aral dhe hei ew an wedhen selsik, drefen bos semlant hy frut haval ort' selsik en casyans.
Hanow
[golegi | pennfenten]Hanow an kinda a dheu dhort an hanow Bantu, kigeli-keia. Ema an henwyn kebmyn 'gwedhen selsik' ha 'gwedhen gukomber' ow compla an frut hir. Ema an hanow Afrikaans 'worsboom' ow styrya gwedhen selsik ewedh.
Semlant ha natur
[golegi | pennfenten]Ema an wedhen ow tevy dhe uhelder a 20m. An rusken ew loos ha leven, gen tewder a 6mm po moy. An predn ew gell golow po melynik. Bythlas ew an wedhen lebma thew glawas dres an vledhen, bes colldhel ew pan vo seson segh hir.
Hirder an frut ew tredh 30 ha 90cm gen treuslinen a 15cm po moy. Aga foster ew tredh 5-10 kg. Glus an frut ew fibrus, ow comprehendya lies hasen.
Aga sawarn ew crev, en arbednek nosweyth. Aswiwys en jei rag ponegi gen eskelli croghen, a dheu rag podn ha nektar. Ygor ew an bleujednow dedhweyth ewedh, vysytys gn lies wheskeren pecara gwenyn ser. Debrys ew an frutys gen lies ehen, en arbednek olifanses, bobans, jirafes ha dowrvergh. Scollyes ew an has a-les en aga hawgh. Gwenonek ew an frut dhe dus, ow cawsya whyja. Peryllus ew dhe wortos en-dadn gwedhen Kigelia pan vo'n frutys ow codha
-
Frut an wedhen selsik -
Gwedhen Kigelia e'n savanna -
Bleujen Kigelia -
Rusken Kigelia
{[udn c}}