Kerensa

Pedro e Inês (Peder hag Inês), lymnans gans Ernesto Condeixa.

Kerensa yw kemyskans a omglewansow ha gwriansow a dhiskwedh bos nebonan po neppyth orth aga flesya. Rann bosek a gerensa yw prederi a-dro dhe berson aral. Kerensa romansek a yll ledya dhe daklow kepar ha tanta, demedhyans ha kyjyans, mes den a yll omglewes rag kowetha, kepar ha kerensa platonek, po teylu ynwedh. Dasoberyansow kymyk a hwer a-ji dhe’n ympynnyon, kawsys gans an eghennow dyffrans a gerensa.

Furvow a gerensa

Yma lies eghen a gerensa. Yma gooth (honan-gerensa), kerensa war-tu ha koweth (kerensa platonek), kerensa yn romans, kerensa war-tu ha teylu, war-tu ha Duw, po war-tu ha tybyans ha tra. Traweythyow, y hyllir kemyska kerensa hag omglewansow erel. Tennvos reydhek po fisegel yw omglewans lust. Konsidrys yw kerensa ha lust dhe vos dihaval. Felshyp normal yw eghen a gerensa a yll bos kammys gans lust po kammgemeryans.

• 
  Kolon yw arwodh aswonnys a gerensa
• 
  Afinans bleujennow a gerensa
• 
  Amm kynsa Adam hag Eva, Eden
• 
  Arwodh kerensa war wedhen
• 
  Kerensa teylu

Kerensa kynsa

Tus a dheskrif an person a gerir gansa yn romansek an termyn kynsa avel aga “herensa kynsa”. Rag ensampel, yn Romeo ha Juliet gans William Shakespeare, Romeo yw karer kynsa Juliet. Y’n termyn na, hi o tredhek bloodh. Yn lyver Belinda gans Maria Edgeworth, Mr. Vincent a lever, "Taklow gocki yw karoryon kynsa."

Dasoberyansow kymyk

Dyffrans yw patron bewonieth lust dhe batron kerensa drefen y vos moy haval dhe nown po seghes. Helen Fisher, arbeniger yn testen kerensa romansek, a’n rann yn tri, lust, tennvos ha syg. Lust a gaws pobel dhe gara an eyl dh’y gila, tennvos a gennerth pobel dhe fogella war barya, ha syg a weres pobel dhe wodhevel an prias (po flogh).

Lust yw an hwans reydhek meur a skoodh parya. Hemm a dhur nebes seythennow po misyow. Tennvos yw rag unn person yn arbennik dell yw usys. Ha pobel ow kodha yn kerensa, studhyansow a-dhiwedhes yn newrowodhonieth a lever dell wra an ympynnyon relesya kymygow, ow komprehendya dopamin. Y hwra an kymygow ma kawsya tus dhe vos le nownek ha hunek, ha keworra omglewans krev a vovyans. Hwithrans a dhiskwedh bos an termyn ma a dhur ynter etek mis ha teyr bledhen.

Awos bos an termynnyow lust ha tennvos rag tro, tressa termyn a yll deskrifa kerensa termyn hir. Usys yw syg dhe dheskrifa an termyn a dhos warbarth yn amovyansek a yll gweres synsi gour ha gwrek warbarth lies bledhen. Syg a hwer termyn hir.

Kerensa ha yeghes

Kerensa a gaws chanjyow dhe yeghes ha les. Gweythresow lowen kepar ha kerensa a vewha rannow an ympynnyon omgemeryansek rag amovyans, attendyans, kentrynnans ha kov. Ev a yll ledya dhe leheans cortisol, a leha tenva.

Onan a'n mil erthygel posekka war Wikipedya yw an erthygel ma.