Kemmynwlas a Statys Anserhek
.svg)
██ hen esel
| Sort | kowethyans kesgwlasek, commonwealth, kowethyans kesgovernansek  |
|---|---|
| Henwys dhyworth | commonwealth, independence, stat sovran |
| Penncita | Minsk |
| Fondys | 8 Kevardhu 1991 |
| Yeth/ow sodhogel | Russek |
| Doronieth | |
| Kesordnogyon | 60.5°N 102.8°E |
 | |
| Fondys gans | Russian Soviet Federative Socialist Republic, Ukrainian Soviet Socialist Republic, Byelorussian Soviet Socialist Republic |
██ statys kowethys
An Gemmynwlas a Statys Anserghek (KSA, po Commonwealth of Independent States (CIS) yn Sowsnek) yw keffrysyans kenedhlow neb a furvya an Unyans Sovyetek. Dhe'n 8ves mis Kevardhu, 1991, ledyoryon a Russi, Belarussi, hag Ukrayn a omvetyas y'n withva natur henwys Belovezhskaya Pushcha yn Belarussi. I a geskowsas war wrians an Gemmynwlas a Statys Anserghek (KSA) yn le an Unyans Sovyetek. Y teuthons dhe unverhans a lies poynt ha sina dogven a wrug an KSA. Unn a'n poyntys ma a veu y fia an keffrysyans ygor dhe bub poblegeth an Unyans Sovyetek. Py kenedhel aral pynag gans amkan kehaval a alsa junya an KSA.
15 poblegeth a'n jevo an Unyans Sovyetek: Armeni, Azerbayjan, Belarussi, Pow Kazagh, Pow Kyrgys, Moldova, Russi, Pow Tajik, Pow Turkmen, Ukrayn, Pow Uzbek, Georgi, Estoni, Latvi ha Lithouani. Dhe'n 6ves mis Gwynngala 1991, yth aswonnas an Unyans Sovyetek an anserghogeth a Estoni, Latvi, ha Lithuani. A'n remenant a boblegethow, pub huni (a-der Georgi) a junyas an KSA. Kyns es junya an KSA, dhe'n 21a mis Kevardhu 1991, ledyoryon an 11 kenedhel ma a omvetyas yn Pow Kazagh dhe dhegemeres an unvanans KSA derowel dhe'n 8ves mis Kevardhu 1991. Drefen na fasthas byth Ukrayn an unvanans KSA y'n senedh kenedhlek, ny dheuth hi byth ha bos esel sodhogel an KSA, mes byttele y kemeri rann avel esel yn-dann feth. Yn mis Kevardhu 1993, Georgi a omjunyas ynwedh gans an KSA. Dhe'n 26ves mis Est 2006 y tibarthas Pow Turkmen an eseleth fast, ha bos esel kowethys. Dhe'n 15ves mis Est 2008 y tibarthas Georgi a eseleth an KSA, hag eseleth KSA a Georgi a dhiwedhas dhe'n 17ves mis Est 2009. Dhe'n 19ves mis Me 2018, Ukrayn, neb a hedhas kemeres rann y'n KSA yn 2014 awos y dhadhel gans Russi orth Krimea ha'n Donbass, a worfennas pub kevrenogans oll gans an KSA yn furvel.
Wosa furvyans an KSA, an Unyans Sovyetek a worfennas y vewnans. Henn o Diswrians an Unyans Sovyetek. Yma lies ow prederi bos dhe Russi, der an KSA, nebes dyghtyans war hen boblegethow an unyans Sovyetek.
Yma pennplas an KSA yn Minsk, Belarussi. Yma Kevarwodher Gweythresek ow ledya an KSA. Yth yw an KSA kowethyans po keffrysyans a genedhlow anserghek. Yth yw ev moy kepar ha'n Gemeneth Europek. Kenedhlow-esel an KSA re sinsa ynwedh lies unvanans a gesoberyans erbysek ha diogeledh. I re sinas unvanansow a gesoberyans yn polici tramor ha maters erel.
Gwiasvaow erel
[golegi | pennfenten]- http://cis.minsk.by Belarussi
- Kemmynwlas a Statys Anserghek - Citizendium