Jump to content

Kelly Fraser

Dhyworth Wikipedya, an godhoniador rydh
Kelly Fraser
Genys 8 Est 1993 Edit this on Wikidata
Sanikiluaq Edit this on Wikidata
Mernans 25 Kevardhu 2019 Edit this on Wikidata
Winnipeg Edit this on Wikidata
Kenedhlogeth Kanada
Galwesigeth kaner-kanskrifer, treylyer Edit this on Wikidata
Gis ilow popp Edit this on Wikidata
Gwiasva https://www.kellyfrasermusic.com/ Edit this on Wikidata

Kelly Fraser (8 Mis Est, 1993 – 24 Mis Kevardhu, 2019) o kaner ha skrifer kanow pop Inuk a Ganada. Henwys o hy sekond kuntellyans, Sedna, rag Kuntellyans Musek Genejek an Vledhen e'n Pewasow Juno en 2018.

Bewskrif

[golegi | pennfenten]

Genys en Igloolik, Fraser a removas gen hy theylu pan o hi yonk dhe Sanikiluaq, Nunavut. Dyskys veu en Nunavut Sivuniksavut (kolji yonkers Inuit) en Ottawa kens kowlwul steus studhyansow genejek en Nicola Valley Institute of Technology en Kolumbi Bretednek.

Fraser a dheuth ha bos a vri e'n kensa le en 2013 gen niver a versyons kanow pop e'n yeth Inuktitut war YouTube, en arbednik "Diamonds" gen Rihanna. Dyllys veu hy huntellyans kensa, Isuma, en 2014. Kenys ew hy hanow e'n yethow Inuktitut ha Sowsnek, ow kesunya pop arnowydh ha sonyow Inuit hengovek. Fraser a venja radna ertach Inuit gen gosoworyon ollvysel, ha derevel warneth a vaters ha gwiryow Inuit. Hi a usyas hebma yn hy musek. Hy askorrer a leveris hi dhe oberi war guntellyans aral, henwys Decolonize, pan verwis hi; thera routh-arghasans rag an kuntellyans ow hwarvos e'n termyn na.

Fraser a omladhas hy honan tre en Winnipeg, Manitoba, an 24a mis Kevardhu, 2019. Herwydh hy theylu, hi a wrug godhevel "traumas yn hy flogholeth, hilgasieth ha cybergormesi parghus". Synjys o golyow golow kantol rag hy hov en The Forks war 4a mis Genver ha'n Nicola Valley Institute of Technology en Merritt, BC.

Rekordskrif

[golegi | pennfenten]

Rekordys o kuntellyans kensa Fraser gen hy hothmans a Sanikiluaq, ha dyllys o en Mis Efan 2014. An kuntellyans a wrug komprehendya seyth kan gwreydhek ha tri versyon a ganow gen pobel erel. Styr an titel ew 'perderi'.

Dyllys o Sedna war 25es mis Hwevrer 2017, gen label Hitmakerz a Nunavut. Hanow duwes an mor ew an titel, po ᓄᓕᐊᔪᒃ (Nuliaju) en Inuktitut. En medh Fraser, "Amkan an kuntellyans ew gweres yaghe an re hag a wodhevel effeythyow trevesigeth, pekara tebel-effeythyow skolyow anedhel ha dastesedhans herdhys. Res yw dhe artydhyon Inuit kewsel en dhistowgh dhe'n re ha bos nasys gen an termyn eus passyes."

An kuntellyans a gomprehend an gan 'Fight for the Right', dyllys avel radn a'n kaskyrgh 'na' e'n raglev tir burjesedhik Nunavut yn 2016.

Diamonds

Sedna

Nallinimi

Kevrennow a-ves

[golegi | pennfenten]

Ma an erthygel ma usya an Furv Skrifys Savonek a-barth Kernowek diwedhes.