Kedhoren

Klass	blew kedhorieth, sett a vlew, blew an korf
Konter a	studh divlew
Rann a	blew kedhorieth
Restrennow kelmys war Gemmyn Wikimedia

Blew a dyv a-dro dhe organow reydhek tevesigyon yw an kedhor. Kyn fo blew moon war an korf dres flogholeth, dres kedhorieth an kedhor a dhalleth tevi.

Displegyans an kedor

Kedhor gorow.

Yn benenes, blew kedhor a omdhiskwedh a-hys emlow an labia majora yn kynsa, dell yw usys, ow ledenhe dres an mons veneris yn an dhiw vledhen a sew. Wosa 2-3 bledhen a gedhorieth, (hag a-dro dhe'n keth termyn ha dalleth an amseryow y'n brassa rann a venenes) yma shap trihornek apert dhe'n kedhor. Y'n dhiw vledhen wosa henna, an blew a dyv war denewen a-bervedh an dhiwvordhos, ha treweythyow avel linen tro'ha'n begel maga ta.

Yn mebyon, an kedhor a omdhiskwedh yn kynsa avel blew moon war digen an dhewgell, po war woles an kalgh. Kyn penn bledhen, yma blew a-dro dhe goles an kalgh. Kyn penn 3-4 bledhen blew a worher an groghen a-ogas, ow tos ha bos moy garow ha tewl. Wosa ogas dhe 5 bledhen a gedhorieth, an kedhor a ystyn dhe tu a-bervedh dhe'n dhiwvordhos ha tro'ha'n begel.

Yth omdhiskwedh blew hevelep yn kaselyow mowysi ha mebyon maga ta. War dhiwedh kedhorieth, blew a dhalleth tevi war an brest, an enep ha'n keyn.

Gweythres

"L'Origine du monde", liwyans lymnys gans Gustave Courbet yn 1866, ow tiskwedhes kedhor benow.

Godhvedhys yw bos gweythres an kedhor ha blew yn ollgemmyn dhe dhifres an korf rag kravasow ha kosa tynn.