Kabsa
 | |
| Ensampel a |
boos  |
|---|---|
| Klass |
sand ris |
| Gwlas |
Yemen |
| Synsys ynno/i |
ris |
 Restrennow kelmys war Gemmyn Wikimedia | |
Kabsa (Arabek كبسة kabsah) ew sant kemysk a ris, dyghtys war skudel gebmyn a dheu dhort Arabi Saoudek bes prederys ew avel keginieth kenedhlek en powyow Konna Tir Arabi.
Gwres ew an sant a ris a kig. Dyghtys ew en venowgh en powyow pekar ha Arabi Saoudek, Koweyt, Bahreyn, Katar, an Emirethow Arabek Unyes, Oman, Yemen, Iran ha'n difeythtir Negev en Israel. Aswonys ew an sant avel makbūs/machbūs (Arabek مكبوس/مچبوس}).
Gerdardhans
[golegi | pennfenten]An hanow a dheu dhort an ger kabasa (Arabek كبس), ow styrya strotha po gwaska, drefen an devnydhyow bos strothys e'n keth pott.
Devnydhyow
[golegi | pennfenten]Gwres ew an sandys dell ew usys gen ris, (basmati herwydh usadow), kig, losow kegin ha kemyskans a spisys. Ma lies sort a kabsa, pubonan heb parow.
A ell bos kevys ew spisys kemyskys kens en-dadn niver a henwyn merk. Ma an re ma ow lehe termyn pareusi, bes gen blas dyffrans dhort kabsa hengovek. Ma an spisys usys en kabsa owth ervira y vlas, hag anjei a gomprehend puber du, kentrigow spis, kardamon, safran, kanel, limaval du, delyow baywydh ha know muskat. [1]
An chif devnydh uji ow mos war-barth an spisys ew an kig. An kig ew usys herwydh usadow ew kig yar, kig gaver, kig on, kig kowrvargh, kig bewin, pysk po bibynes bubyn. En acheson kig yar, usys ew machbūs po yar gowal.
Tus a ell keworra alamandys, know pin, know dor, onyon ha sodones. .[2] Possybyl ew dhe afina an sant gen ḥashū (Arabek حشو) ha'y dhyghtya gen daqqūs (Arabek دقّوس), po sows tomatos arabek gwres en tre.
Methodys kegina
[golegi | pennfenten]
Tus a ell kegina an kig rag kabsa en for'ow divers. For' veurgerys a bareusi kig ew mandi. Teknek hengovek ew ow tos dhort Yemen, lebma thew keginys an kig en toll down e'n dor. For' aral a bareusi ha dyghtya kig rag kabsa ew mathbi, lebma thew rastellys kig sawrys war veyn leven settys war bedn regyth pooth. An treja for', madghūt, ew kegina an kig en gwaskoker.
Dustini
[golegi | pennfenten]Ma an erthygel ma usya an Furv Skrifys Savonek a-barth Kernowek diwedhes.