Julie d'Aubigny

Dhyworth Wikipedya, an godhoniador rydh
Jump to navigation Jump to search
Julie d'Aubigny
Mademoiselle Maupin de l'Opéra (Julie d'Aubigny).jpg
Genys 1673 Edit this on Wikidata
Paris Edit this on Wikidata
Mernans 1707 Edit this on Wikidata
Provence Edit this on Wikidata
Kenedhlogeth Pow Frynk Edit this on Wikidata
Galwesigeth gwarier, kaner opera, skyrmer Edit this on Wikidata
Sort a lev kontralto Edit this on Wikidata



Julie d'Aubigny (1673–1707), moy aswonnys avel Mademoiselle Maupin po La Maupin, o kanores gwari kan a'n 17ves kansvledhen. Y hwodhor boghes yn sur a-dro dh'y bewnans. Yn hy thermyn hy honan yth esa meur a gyhwedhlow, kows flows ha hwedhlow liwus a-dro dh'y bewedh ewynek ha hy resegva meur hy thervans. A-wosa, hemm a wrug aweni lies portrayansow fugiethek ha skyllfugiethek.

Bewnans a-varr[golegi | pennfenten]

Julie d'Aubigny a veu genys yn 1673 dhe Gaston d'Aubigny, skrifennyas dhe Louis de Lorraine-Guise, yurl d'Armagnac, Mester an Mergh rag Myghtern Louis XIV. Hy thas a dhyski pajys an lys, ytho y vyrgh a dhyski donsya, redya, delinya ha skyrmya gans an bajys.

Hy thas a erviras dhe skyrmya gans neb tantor possybyl, mes hi a dhallathas kerensa gudhys gans y vester, an yurl d'Armagnac. Mes, wosa serri gans hy gnas gwyls, an yurl d'Armagnac a wrug dhedhi demedhi gans Sieur de Maupin a Saint-Germain-en-Laye yn 1687. Hi a dheuth ha bos Madame de Maupin (po yn sempel "La Maupin", herwydh an gis frynk). A-dermyn berr, hy gour a waynyas offis menystrek yn Pow Frynk soth, mes hi a wrug gortos yn Paris.

Yowynkneth[golegi | pennfenten]

A-dro dhe 1687, y teuth ha bos D'Aubigny omvyskys gans is-mester skyrmya henwys Sérannes. Pan assayas Is-Pennhembrenkyas an Kreslu Gabriel Nicolas de la Reynie dhe synsi Sérannes rag ladha den yn skyrm anlaghel, La Maupin hag ev a fias a'n sita dhe Marseille.

War'n fordh, D'Aubigny ha Sérannes a wre dendil bewnans dre wul diskwedhyansow skyrmya ha kana yn diwottiow hag erel. Ha hi ow viajya ha performya y'n diskwedhyansow ma, La Maupin a wiska dillas gorow. Ny wrug hi kudha hy dhe vos benyn. Unweyth, pan leveris den medhow bos res dhedhi bos den awos hy sleyneth skyrmya, hi a ygoras hy hevis dhe'n stevel.[1]

Pan dhrehedhas hi Marseille, hi a junyas an kompani gwari kan restrys gans Pierre Gaultier, yn-dann hy hanow dibries. D'Aubigny a dhiberthas Paris ha metya gwarier koth henwys Maréchal yn ogas dhe Poitiers. Ev a dhyskas dhedhi bys pan wethhas y gleves medhwenep. Dhana, hi eth dhe Paris.

Gwari Kan[golegi | pennfenten]

Opéra Paris a arvethas La Maupin yn 1690, wosa hy nagha yn kynsa le. Hi a wrug hy diskwedhans kynsa avel Athena yn Cadmus et Hermione gans Jean-Baptiste Lully y'n keth bledhen. Hi a berformya yn fenowgh gans an Opéra, ow kana avel soprano yn hynsa, ha wosa henna yn hy efander moy natural kontralto. Marquis de Dangeau a skrifas yn y jornal bos hy lev "an tekka y'n bys".

La Maupin a gana yn gwariow kan gans Pascal Collasse, André Cardinal Destouches hag André Campra. Yn 1702, André Campra a skrifas rann Clorinde yn Tancrède yn arbennik efander bas-dessus (kontralto). Hi a ganas rag an lys dhe Versailles lies gweyth. Hi a omdhiskwedhas rag an diwettha tro yn La Vénitienne gans Michel de La Barre yn 1705.

Hi a dheuth ha bos omdennys a wari kan yn 1705. Dell leverir, hi a dhallathas kara benyn, ansur hy honanieth. Kerens an venyn na a'y danvonas dhe lenji, mes y hwrug La Maupin hy holya ha dalleth hy vysytya ena. A-verr spys, lenes koth a verwis. D'Aubigny a ladras an korf, y worra yn stevel hy hares hag enowi tan y'n lenji.[1]

Y krysir hi dhe verwel yn 1707, 33 hy bloodh. 

Yma'n erthygel ma owth usya an Furv Skrifys Savonek a-barth Kernowek kres.

  1. 1.0 1.1 https://www.rejectedprincesses.com/princesses/julie-daubigny