John Beag Ó Flatharta
John Beag Ó Flatharta ew musicianer Wordhonek kana gwlas ha darleser a Leitir Mealláin (Lettermullen) en Konamara, Wordhen west. Ev a dhallathas kana e’n 1970ow diwettha. A-dhia 1980 war-barth ha'y vagas, Na hAncairí (An Ankoryow) ev a dhisplegyas kemyskans a gana gwlas ha sean-nós, hebm ew kana gwerin hengovek heb daffar.
Y ganow a sew themys a dhivroans, estrenegyans ha kerenja, ha kanow a-dro dhe’n mor maga ta, elvednek dhe bub kemeneth en Konamara. John Chóil Bhreathnaigh a senas akordyon war an rekord kynsa ‘Faoi Lán tSeoil’, bes John Beag a ganas gen kemyskans a warioryon erel war an rekords erel.
Woja demedhi Ann Hargraves, anjei a wayas dhe driga e’n Statys Unys, bes yonk o y wrek pan verwis, en udn gara ev gen mab yonk, Liam. Anjei a dhehwelas dhe Wordhen en 2007. Rekords erel a sewyas, hag ev owth oberi dhe RTÉ Raidió na Gaeltachta.
Y ganow moyha gerys ew ‘Amhran Chuigeil’ (Kan kygel, a-dro dhe resek skathow Galway hookers dhort Faoi lán tSeoil), ‘The Nazarene Song’ skrifys gen Eddie O Conghaile a-dro dhe hager-awel war an mor, ha ‘Amhrán Mhaínis’ (Kan Mweenish, kynvan hengovek).
Rol a rekords
[golegi | pennfenten]| Bledhen | Hanow | Label | Furv | Yeth |
|---|---|---|---|---|
| ? (dasdyllys yn 2018) | Faoi lán tSeoil | Trad Ireland | Cidi, Snod | Wordhonek, Sowsnek |
| 1990 | Fiche Amhrán 1980-1990 | Cló Iar-Chonnacht | Snod | Worrdhonek, Sowsnek |
| 1990 | Ar Bord Leis na hAncairí | Cló Iar-Chonnacht | Snod | Wordhonek, Sowsnek |
| 1992 | An Lochán | Cló Iar-Chonnacht | Snod | Wordhonek, Sowsnek |
| 1993 | Tá an Workhouse lán | Cló Iar-Chonnacht | Cidi, Snod, Iskarg bysyel | Wordhonek, Sowsnek |
| 1994 | The Winds of Freedom | Cló Iar-Chonnacht | Iskarg bysyel, Cidi | Wordhonek, Sowsnek |
| 2010 | Coinnigh léi a sheáin | John Beag Ó Flatharta | Cidi | Wordhonek, Sowsnek |
| 2012 | Amigo mo mhéit | John Beag Ó Flatharta | Iskarg bysyel | Wordhonek, Sowsnek |
| 2017 | The Banks of Casheen Bay | John Beag Ó Flatharta | Cidi | Wordhonek, Sowsnek |
| 2020 | Roots n’ Raithneach | John Beag Ó Flatharta | Cidi | Wordhonek, Sowsnek |
Ma an erthygel ma usya an Furv Skrifys Savonek a-barth Kernowek diwedhes.