Jantar Mantar
| Restren:Jantar Mantar at Jaipur.jpg, Astronomical Instrument.jpg | |
| Sort |
mirji, collection  |
|---|---|
| Fondys |
18 century |
| Doronieth | |
| Tyller |
City Palace |
| Konteth |
Jaipur |
| Gwlas |
Eynda |
| Arenebedh |
1.8652 ha, 14.6664 ha |
| Kesordnogyon |
26.9247°N 75.825°E |
 | |
| Studh ertach |
Ertachva an Bys UNESCO, Kovep Gwithys Kenedhlek |
| Manylion | |
Jantar Mantar ew Ertachva an Bes UNESCO en Jaipur, Eynda. Kuntel ew a 19 daffar steroniethek derevys gen an metern Rajput, Sawai Jai Singh II, fondyer cita Jaipur. Kowlwres veu en 1734. E’n teller ma ma euryor howl moyha an bes. Woja damach e’n 19ves kansvledhen, daswres veu an teller en 1902 gen an Raj bretennek.
An hanow Jantar Mantar a dheu dhort an Sanskrytek, ow styrya jynn amontya. Porpas an daffar o rag musura termyn, dargana difygyow, sewya telleryow ster posek e’n eborn, amontya deklynyansow an planetow ha musura uhelderow nevek ha’ga efemerysys.
An daffar
[golegi | pennfenten]An 19 daffar yw:
- Chakra Yantra (haval ew hemma dhe beswar klock en pajar teller a-dro dhe’n bes - Greenwich ogas dhe Loundres, Zurich en Swistir, Notke en Nihon ha Saitchen e’n Mor Bras Kosel)
- Dakshin Bhitti Yantra (hebm a vusur hanterdydh, uhelder hag anterth korfow an eborn)
- Digamsha Yantra (koloven en kres dew gelgh, usys rag musura azimuth an howl hag amontya termyn howldrehevel hag howlsedhes)
- Disha Yantra
- Dhruva Darshak Pattika (mires ort ha kawas teller steren an North)
- Jai Prakash Yantra (diw euryor howl gen shap skudel)
- Kapali Yantra (ma’n daffar ma ow musura kesordenogyon korfow an eborn en systemow azimuth ha kehysydhek)
- Kanali Yantra
- Kranti Vritta Yantra (an daffar a vusur dorhes ha dorles korfow an eborn)
- Laghu Samrat Yantra (an euryor howl leha e’n teller)
- Misra Yantra (an hanow a styr daffar kemysk, kuntel ew a bymp daffar diblans)
- Nadi Valaya Yantra (diw euryor howl war dhew du an daffar – rag hanter-besow north ha soth) Ev a ell musura termyn gen kewerder a le ages mynysen.
- Palbha Yantra
- Rama Yantra (derevyans usys rag musura uhelder hag azimuth an howl)
- Rashi Valaya Yantra (12 euryor howl rag musura kesordenogyon ster, planetow ha 12 radneves)
- Shastansh Yantra (Daffar en stevel dowl gen toll pydn e’n fos. Skeusen an howl a godh war radhva pub hanter-dydh rag musura kedhlow a-dro dhe’n howl)
- Unnatamsa Yantra
- Vrihat Samrat Yantra (Euryor howl moyha an bes. Ev a ell musura termyn gen kewerder a le ages diw eylen.)
- Yantra Raj Yantra (Astrolab brons 2.43 meter a-dreus, onan a’n moyha e’n bes, hag a ell amontya an kalender Hindiek)
-
Rashi Valaya_Yantra -
Tempel Bhairav – desedhys e’n keth teller -
Jantar Mantar a wra devnydh a dri system kesordenogyon aswonnys e’n osow koth. E’n skeusen, rudh ew an system ekliptik ha glas an system kehysedhek -
Laghu Samrat Yantra -
Jai Prakash Yantra -
Flour mires an Vrihat Samrat Yantra
Ma an erthygel ma usya an Furv Skrifys Savonek a-barth Kernowek diwedhes.