Hyns-horn Gwili

Hyns-horn ertach yn Pow Kerverdhin yn Kembra soth-west yw an Hyns-horn Gwili (Kembrek: Rheilffordd Gwili, Sowsnek: Gwili Railway) a ober linen hyns-horn gwithys gayj savonek a-dhyworth tyller Dibarthva Abergwili (ogas dhe Gerverdhin) a-hys 4½ mildir (7.2 km) rann a'n kyns linen Kerverdhin dhe Aberystwyth. An hyns-horn derowel a dhegeas yn 1965, ha lyftyes a veu an kledhrennow yn 1975.

Hanow an hyns-horn a dheu a-dhyworth Avon Gwili, an avon a fros der an nans ryb tenewen an linen.

Gorsavow an hyns-horn

Llanpumsaint (Lannpympsens)

Kompani an hyns-horn a berghenn an gweli-kledhrennow yntra Danycoed ha Llanpumsaint. Awos nivel an ponsow war an rann ma, yth o gwell gans an kompani dhe fogella war an ystynnans dhe'n soth dhe Dhibarthva Abergwili. Yma eth pons forsakyes war an gweli-kledhrennow yntra Danycoed ha Llanpumsaint a lett an ystynnans dhe'n north.

Cynwyl

Nyns yw ygerys an hyns-horn mar bell avel Cynwyl hwath.

Danycoed Halt (Gorta yn-dann an Koos)

Byldyes a veu an gorta ma y'n 1990ow hag ygerys a veu yn 2001. Dhe'n pols ma yth yw penn north an hyns-horn, mes y halsa dos dres nivera wosa an hyns-horn gwithys dhe ystyn dhe dyller gorsav Cynwyl, mildir dhe'n north, ha dhana dhe Llanpumpsaint, 2½ mildir dhe'n north.

Llwyfan Cerrig (Kay Kerrik)

Avel Danycoed, nyns esa Llwyfan Cerrig gorsav war an hyns-horn derowel. Y feu byldyes yn 1998 gans an Hyns-horn Gwili. Y teu byldyans an gorsav a-dhyworth Felinfach war hyns-skorr Aberaeron.

Bronwydd Arms (Tavern Bronn Wydhel)

Hemm o gorsav war an hyns-horn derowel hag yw pennplas oberansow an Hyns-horn Gwili.

Abergwili Junction (Dibarthva Abergwili)

Ottomma gorsav nowyth a ygeris yn 2017 wosa gorfenna ystynnans a-soth an hyns-horn gwithys. Y feu byldyes war tyller an gorsav dibarthva derowel.

Redya pella

Gwiasva sodhogel an hyns-horn (Sowsnek yn-unnik)