Hexapoda

Dhyworth Wikipedya, an godhoniador rydh
Hexapoda
Kelyonen keher
Klassans bewoniethek
Gwlaskor:
Fylum:
Isfylum:
Latreille, 1825
Klassys

An Hexapoda po hweghgarrogyon yw an brassa bagas a velldrosogyon. An isfylum ma a gomprehend an hwesker ha tri bagas le heb eskelli: an Entognatha (Collembola, Protura ha'n Diplura).

Yma dhe hweghgarrogyon korfow gans hys yntra 0.5 mm dhe dres 300 mm rennys dhe penn, thoraks ha torr. Komposys yw an penn a acron le mayth yw desedhys an lagasow (nyns eus lagasow dhe'n Protura ha Diplura), sewyes gans hwegh tregh, junys yn ogas, gans an keworansow ma:

  • Tregh I. Mann
  • Tregh II. Tavellow (a'n sensys) mes nyns yns i kevys y'n Protura
  • Tregh III. Mann
  • Tregh IV. Challys rag gwaska
  • Tregh V. Challys rag kniw
  • Tregh VI. Gweus a-woles

Desedhys yw an ganow yntra'n peswora ha pympves tregh, gorherys gans an gweus. Yn Insecta (hwesker), darnow an ganow yw gwelys, mes y'n Entognatha, an ganow yw kudhys a-ji dhe'n korf.

Komposys yw an thoraks a dri thregh, pubonan gans kopel a arrow. Settys yw an eskelli a-ugh dhe dreghow an thoraks. Hwesker a's teves unnek tregh y'n torr, mes yma dewdhek dhe Protura ha hwegh dhe Collembola.