Hesken an tewes

Dhyworth Wikipedya, an godhoniador rydh
Hesken an tewes
Hesken an tewes
(Ammophila arenaria.)
Klassans bewoniethek
Gwlaskor:
(anrenkys):
(anrenkys):
Monocots
Urdh:
Poales
Teylu:
Kinda:
Ammophila
Hanow dewhenwek
Ammophila arenaria
Host

Hesken an tewes, Kembrek môr-hesgen, Bretonek morhesk, Sowsnek marram yw eghen a wels pur gemmyn plepynag yw kevys tewynnow ha tewes noth. Hy gwandrans yw arvor Europa hag Afrika north, mes re beu komendys dhe dylleryow erel a-derdro’n bys, kepar hag Ostrali hag Aotearoa. Pubvledhynnek yw, ow furvya bonniow a arrow smat a’ga sav. I a dyv a rosweyth a wreydhgefow (Sowsnek rhizomes) tew. I a’s gas dhe lesa yn-bann pan wrello tewes kreuni. An gwreydhgefow a yll tevi yn tenwennel kemmys ha 2 meter yn hwegh mis. Unn bonni a yll askorra 100 egin nowydh pub bledhen.

An gwreydhefow a wodhev dowr an mor, ha treweythyow ow terri dhe ves ha neuvella dhe dyller nowydh le may kyllons tevi arta.

Y’n termyn usi passyes, usys veu hesken an tewes rag gwrythul kanstellow po sowlenna.