Gwithti Baituna al-Talhami
| Sort |
gwithti, gwithti chi istorek  |
|---|---|
| Ygeryans sodhogel |
1972 |
| Fondys |
1972 |
| Doronieth | |
| Konteth |
Bethlem |
| Gwlas |
Palestin |
| Kesordnogyon |
31.70474°N 35.20506°E |
 | |
Gwithti Baituna al-Talhami (Arabek متحف بيتنا التلحمي) po Gwithti Gonisogethel Bethlem ew onan a'n gwithtiow moyha e'n tiredhow palestinek. Desedhys ew en Bethlem, war Stret Steren, ogas dhe Stret Pab Paul VI.
Fondys veu e'n kensa pres gen Julia Dadoub ha'n Kesunyans benenes arabek en 1948 avel kresen rag fowesigyon palestinek ow fia aga gwigow. An fowesigyon a alja askorra gwiskasow ha brosweyth hengovek rag gober ena. An Kesunyans a fondyas an gwithti en 1979. Ev a gomprehend dew ji a bednserneth palestinek tipek, gen kegin astiverys, stevel diwan, chambour ha leur uhella po illeyeh. Dalghow an gwithti a gomprehend kuntel a daklow chi hengovek palesteynek argevrys gen teyluyow Bethlem.
En 1984, efanys veu an gwithti rag komprehendya chi koth en ogas a veu astiverys. An chi nowydh ma, herwydh Julia Dabdoub, "ew onan a'n nebes treven koth gerys en Bethlem, haval dhe'n chi ma feu genys Yesu Krist." En 1992, Dabdoub a argevras hy huntel dew ugans bledhen a skeusednow, mebel hag oberow art rag afina an stevel uhella po al-Illiye hag a dhiskwedh bewnans trigoryon Bethlem tredh 1900 ha 1932.
Ken thew oberys Baituna al-Talhami avel gwithti, fowesigyon ew arvethys hwath, ha synjys ew golyow hag a wra solempnya artydhyon, prydydhyon ha skriforyon palestinek ena.
Ma an erthygel ma usya an Furv Skrifys Savonek a-barth Kernowek diwedhes.