Gral Sans

Yn hengov kristonek an Gral Sans yw hanaf a dhevnydhyas Yesu y'n Soper an Arlòdh dhe servya an gwin yw menegys yn aweylys Matthew, Mark ha Luk. Oferennow yn eglosow ha kemenethow kristonek a with elvennow derowel Soper an Arlòdh, kepar ha'n bara po an hanaf, synsys yn diwla an pronter hag ev (po hi y'n hengovyow mayth eus prontoresow) ow leverel an geryow a leveris Yesu herwydh an aweylys. Yma hengovyow yn Eglos Katholek a dheklar bos an Gral Sans tra wir hag yma nebes hanafow henwys Gral Sans. An hanafow ma yw rann bagas a daclow kelmys dhe Yesu.